POP 5

Lajmet më të lexuara të 5 minutave të fundit

Sociale

Kosova & Rajoni

Zgjedhjet në Kosovë/ Emigranti bashkë me familjen kthehet nga Sllovenia për të votuar: Dua ndryshimin

Diaspora shqiptare e Kosovës voton sot në të gjitha qendrat e votimit që janë hapur në përfaqësitë diplomatike. Por ka edhe emigrantë që janë rikthyer në Kosovë për të votuar fizikisht. Mes tyre është Agron Morina, emigrant në Slloveni i cili bashkë me familjen gjendet në Prizren për zgjedhjet e 9 shkurtit.

Kosova zhvillon zgjedhjet të dielën e 9 shkurtit ku afro 2 milionë qytetarë do të zgjedhin parlamentin dhe qeverinë e re. Në këto zgjedhje për herë të parë marrin pjesë afro 105 mijë votues nga diaspora ku këtë të shtunë deri në orën 19:00 do të mund të bëjnë përzgjedhjen përmes postës ose fizikisht në përfaqësitë diplomatike.

Por, shumë prej tyre kanë vendosur të votojnë fizikisht. Njëri prej tyre është edhe Agron Morina nga Prizreni i cili prej 10 vitesh jeton e punon në Slloveni, por është kthyer bashkë me familjen vetëm për të hedhur votën në kuti.

“Kam ardhur të votoj fizikisht nga frika e keqpërdorimit të votës nëse do votoja përmes postës. Nesër do te jete një ditë feste ndërsa vota ime do jetë për ndryshimin e Kosovës dhe problemeve që diaspora  ndeshet kur vjen në Kosovë”, tha ai.

28 forca politike garojnë në këto zgjedhje, prej të cilave 20 parti politike, pesë koalicione. Kandidatët për kryeministër janë Albin Kurti i Lëvizjes Vetëvendosje, i cili kërkon një mandat të dytë, Bedri Hamza i Partisë Demokratike të Kosovës, Lumir Abdixhiku i Lidhjes Demokratike të Kosovës dhe Ramush Haradinaj i Aleancës për Ardhmërinë e Kosovës.  

SI.E./K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 10:18

    Nisin kualifikueset e Botërorit, si del Angli-Shqipëri?

Lajme të tjera



×

Lajmi i fundit

Lëvizte me automjet për të shitur një armë zjarri, arrestohet 20-vjeçari në Shkodër

Lëvizte me automjet për të shitur një armë zjarri, arrestohet 20-vjeçari në Shkodër

21 Mars, 09:08