Zgjedhjet në Kukës, Celibashi: Votim i qetë, s’ka asnjë problematikë

Kreu i KQZ, Ilirjan Celibashi vëzhgoi nga afër votimet në Kukës, ku tha se nuk është raportuar asnjë problem teknik dhe votimi vijon normalisht.

Ai tha se ndodhet në Kukës për të asistuar administratën zgjedhore.

Ndërsa për shqetësimin e BF-së për intimidim të votuesve, Celibashi deklaron se nuk janë konstatuar përfaqësues të PS-së në qendrat e votimit.

‘Ardhja ime këtu në Kukës nuk lidhet me ndonjë shkak që lidhet me problematika të mundshme ardhja ime këtu në Kukës. Thjesht kemi ardhur me një ekip të madh për të asistuar për aq sa mund të ketë nevojë gjithë pjesën e administratën zgjedhore që merret me administrimin e procesit zgjedhor.

Nga çfarë është raportuar nuk rezulton se ka pasur probleme në aspektin teknik të zhvillimit të procesit. Janë prezantuar disa shqetësime nga përfaqësues së koalicionit ‘Bashkë Fitojmë’ në lidhje me prezencën në disa qendra të votimit të personave që mbanin shënim zgjedhësit që shkonin për të votuar. Kemi shkuar në këto qendra, të paktën në atë kohë nuk ka rezultuar që ka pasur njerëz dhe në përgjithësi nuk ka raportim për problematika. E kemi adresuar si shqetësim.

Sapo folëm me përfaqësuesit e KZAZ që të marrin të gjitha masat organizative që procesi i numërimit të fillojë sa më shpejt. Kemi pasur një kom paraprak me përfaqësuesit e dy subjekteve zgjedhore. Do të kemi një komunikim tjetër për të vendosur këtë proces jo vetëm në kuptim të kohës por edhe të sigurisë që të mos kemi probleme në lidhje me procesin e numërimit.’ theksoi Celibashi.

Lajmi kryesor:

Zgjedhjet për kryebashkiakun e ri në Kukës, 45,63 % morën pjesë në votim! Nis numërimi

M.Q./Shqiptarja.com

TAG:
• zgjedhjet vendore 2023
• Kukes
• skandali i safet gjicit