Rehan Zeb Khan, kandidat i pavarur i lidhur me partinë Pakistaneze Tehreek-e-Insaf (PTI) të ish-kryeministrit Imran Khan, u qëllua për vdekje nga persona të armatosur, të cilët hapën zjarr mbi makinën e tij në një treg në Bajaur, provincën Khyber Pakhtunkhwa.
Si pasojë e sulmit, tre persona të tjerë mbetën të plagosur. Shteti Islamik Khorasan, ose ISIS-K, mori përgjegjësinë për sulmin.
Është vrasja e dytë e një kandidati në javët e fundit pasi Malik Kaleem Ullah, një kandidat i pavarur për Asamblenë Provinciale të Khyber Pakhtunkhëa, u qëllua për vdekje më 10 janar.
Të shtënat e së mërkurës janë të fundit në një varg sulmesh në të gjithë vendin e Azisë Jugore që synojnë kandidatët politikë dhe partitë përpara zgjedhjeve të përgjithshme më 8 shkurt, raporton CNN.
Gjithashtu të mërkurën, rezidencat dhe zyrat e disa kandidatëve nga Partia Popullore e Pakistanit dhe zyra zgjedhore e Lidhjes Myslimane të Pakistanit u sulmuan në provincën Balochistan, duke plagosur të paktën 15 persona.
Një nga sulmet u mor përsipër nga Ushtria Çlirimtare Baloch, një grup separatist militant. Në përgjigje të dhunës, Komisioni Zgjedhor i Pakistanit (ECP) thirri një takim urgjent të zyrtarëve të sigurisë të enjten për të diskutuar situatën e përkeqësuar të rendit dhe ligjit në dy provincat.
Komisioni Zgjedhor e ka shpallur 8 shkurtin, ditën e zgjedhjeve, një festë publike për 240 milionë banorët e vendit.
Vrasja e së enjtes pason një javë të trazuar në politikën pakistaneze, në të cilën ish-kryeministri Khan u dënua me 14 vjet burg për korrupsion, dënimi i tij i dytë pas të parit, që u dënua me 10 vite për nxjerrje të sekreteve shtetërore.
Lajme të tjera
-
Erdhi për turizëm, Shqipëria rrezikon të ekstradojë pakistanezin e dënuar me vdekje (EMRI)
19 Shtator, 15:19
-
Vriten 23 persona në një sulm në jugperëndim të Pakistanit
26 Gusht, 08:26 -
Pakistan/ Persona të armatosur vrasin 11 policë! 7 të tjerë plagosen
22 Gusht, 22:11 -
Pakistani arreston liderin e Al-Kaidës për plane sabotuese
19 Korrik, 13:29 -
Qeveria hedh për konsultim projektvendimin, 32 milionë euro për fortifikimin dhe menaxhimin e kufirit në dy vite
31 Maj, 22:27 -
Grupi terrorist sulmon bazën ushtarake në Pakistan, vriten 7 ushtarë e plagosen 17 të tjerë
16 Mars, 20:11 -
ish-kryeministri pakistanez Imran Khan dhe gruaja e tij dënohen me burg për martesë të jashtëligjshme
3 Shkurt, 15:31 -
Ish-kryeministri pakistanez dënohet me 14 vjet burgim për korrupsion! 14 vite edhe për bashkëshorten
31 Janar, 08:38 -
Ish-kryeministri pakistanez dënohet me 10 vjet burgim
30 Janar, 11:41 -
Një sulmues në Iran vret 9 persona afër kufirit me Pakistanin
27 Janar, 16:06 -
Pakistani dhe Irani synojnë shtensionimin e situatës pas sulmeve reciproke
19 Janar, 19:53 -
Në burg për korrupsion, ngrihet aktakuzë e re kundër ish-kryeministrit pakistanez Imran Khan
3 Janar, 17:24
