Asambleja vendosi që nga 15 shtatori deri në 30 tetor të zhvillohen zgjedhjet vendore në Partinë Socialiste, ndërsa konstituimi i Këshillave Socialistë nga 1-15 nëntor.
Gjatë zgjedhjeve do të bëhet edhe një analizë e gjatë për rezultatin e zgjedhjeve të 25 qershorit në cdo degë të Partisë Socialiste.
Kryetarët aktualë nuk do të lejohet që të kandidojnë në rastet kur rezultati i 25 qershorit, ishte më i ulët se zgjedhjet paraardhëse.
Kandidatët për kryetar duhet të kenë të paktën një vit pjesë e PS të anëtarësuar, ndërsa përpos tij do të zgjidhet edhe sekretari.
Organizimi i zgjedhjeve të reja në parti, sipas PS bëhet për të përmirësuar rezultatin dhe rritjen e bashkëpunimit me njerëzit.
Ndërkohë që riorganizimin dhe analizën duhet ta përfundojnë edhe strukturat në Greqi, Itali dhe vende të tjera.
Një tjetër pikë e rëndësishme është edhe ngritja e strukturave të reja të PS në vendet ku ka emigrantë.
Rezultatet e dobëta, ikin 1480 kryetarë socialistë
Rreth 1480 kryetarë të organizatave të Partisë Socialiste do të largohen nga drejtimi i tyre për shkak të rezultatit të dobët gjatë zgjedhjeve të 25 qershorit.
Në një raport konfidencial të Partisë Socialiste të publikuar pak javë më parë, i cili bën analizën e punës së strukturave të kësaj force politike del në përfundimin se 1480 organizata socialiste kanë marrë rezultat të dobët në zgjedhje, krahasuar ky rezultat me zgjedhjet e vitit 2013.
Bashkitë ku PS ka pësuar rënie:
Kuçovë
Skrapar
Dibër
Elbasan
Cerrik
Peqin
Prrenjas
Pustec
Këlcyrë
Devoll
Shkodër
Vau i Dejës
Kamëz
Kavajë
Rrogozhinë
Qarqet ku PS realizoi objektivin
Berat
Durrës
Gjirokastër
Kukës
Lezhë
Vlorë
![](https://www.shqiptarja.com/template/img/sh_logo1.png)