POP 5

Lajmet më të lexuara të 5 minutave të fundit

Politikë

Zgjedhjet, OSBE: Shumë shpejt
vëzhguesit e ODIHR në Tiranë

Kreu i OSBE-së Eugen Wollfarth pritet të takojë sot paradite Kryetaren dhe Nënkryetarin e ri të Komisionit Qendror Zgjedhor (KQZ), Zj. Lefterie Lleshi dhe Z. Denar Biba, në zyrat e KQZ-së. Zyra e shtypit pranë OSBE-së informon se takimi ka karakter njohës.
TIRANE- Ambasadori i OSBE-së zhvilloi sot paradite një takim me drejtuesit më të lartë të Komisionit Qendror Zgjedhor. Në këtë takim ambasadori Wollfarth shprehu gadishmërinë e OSBE-së për të mbështetur KQZ në organizimin teknik të zgjedhjeve por dhe se shumë shpejt misioni i vëzhguesve do të udhëtojë drejt Tiranës.

"Sot ishte takimi im i parë pas zgjedhjes së znj. Lleshi dhe z. Biba në postin e kryetares dhe nënkryetarit të Komisionit Qendror të Zgjedhjeve. Të pasurit e një fryme të mirë bashkëpunimi përbën një shërbim teknik shumë të rëndësishëm për vendin, sa u përket zgjedhjeve të përgjithshme të vitit të ardhshëm."- tha Wollfarth duke u shprehur i bindur se “ekziston synimi për t’i ofruar vendit shërbimin më të mirë të mundshëm për zgjedhje të mira në 2013-n. Presim një mision të ODIHR-it për vëzhgimin e zgjedhjeve për zgjedhjet e përgjithshme. Me Prezencën e OSBE-së në Shqipëri, po zhvillohen disa projekte dhe ne do të vijojmë ta mbështesim KQZ-në në këto projekte. Në këta hapa, futet edhe mbështetja e KQZ-së në përgatitjen e aspekteve teknike, duke përfshirë elementet e votimit elektronik në Kodit të ri Zgjedhor."

SOT TAKIMI I PARE OSBE- KQZ
Takimi i Kreut të OSBE-së Eugen Wollfarth  me  Kryetaren dhe Nënkryetarin e ri të Komisionit Qendror Zgjedhor (KQZ), Zj. Lefterie Lleshi dhe Z. Denar Biba, në zyrat e KQZ-së u zhvillua sot paradite në orën 10:00.

KQZ javën e kaluar zhvilloi mbledhjen e parë pak ditë pas konstituimit nga parlamenti. Ndërkohë që më 26 tetor Wollfarth zhvilloi një takim me presidentin Bujar Nishani ku u nënvizua përgatija e një kodi etike, i cili do t’i shërbente shmangies së një gjuhe të papërshtatshme gjatë zhvillimit të fushatës për zgjedhjet e përgjithshme parlamentare të vitit 2013.

Zgjedhjet parlamentare të 2013 janë kusht për fillimin e negociatave për të hyrë në BE, dhe ndërkombëtarët kanë përqëndruar vëmendjen pikërisht në këtë proces elektoral që pritet të zhvillohet në qershor të vitit të ardhshëm.

(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11