Teksa na ndan edhe një ditë nga data 5 nëntor, ditë në të cilën kur do të mbahen zgjedhjet në SHBA, le të hedhim një vështrim pas në disa prej momenteve më të spikatura gjatë muajve të fundit, shkruan në një artikull BBC. 

27 qershor: Gjatë një debati televiziv midis Joe Biden dhe Donald Trump, performanca e dobët e Biden shënoi një pikë kthese që përfundimisht e çoi atë në tërheqjen e tij nga gara.

13 korrik: Trump u qëllua gjatë një mitingu në Pensilvani. Në këtë incident fotoja e tij me veshin e gjakosur, duke ngritur grushtin teksa po e përcillnin agjentët e shërbimit sekret, u shfaq e stampuar në bluza të nesërmen.

15 korrik: Në një lëvizje befasuese, Trump zgjodhi për nënpresident JD Vance. Autori i Elegjisë Hillbilly ishte dikur një kritik i ashpër i Trump, por më vonë ai është bërë një mbështetës i vendosur i ideve të ish-presidentit.

22 korrik: Joe Biden miratoi Kamala Harris për të marrë mantelin e fushatës presidenciale. Harris tha se ajo ishte e nderuar dhe do të bënte gjithçka "për të mposhtur Donald Trump".

6 gusht: Guvernatori i Minesotës Tim Walz u emërua si kandidati për nënpresident i Harris.

23 gusht: Kandidati i pavarur Robert F Kennedy Jr u ​​tërhoq nga gara dhe hodhi mbështetjen e tij pas Donald Trump. "Unë kam sigurinë se kjo është ajo që duhet të bëj," tha ai.

10 shtator: Miliona njerëz në SHBA panë Kamala Harris dhe Donald Trump të përballen në një debat 90-minutësh të transmetuar drejtpërdrejt në ABC Neës.