TIRANE- Strukturat e Partisë Socialiste në qytetet të cilat kryeministri Rama ka deklaruar se do të garojnë me kandidatët e LSI-së, vijojnë të kundërshtojnë vendimin. Një ditë pasi një pjesë e konsiderueshme e strukturave të PS-së në Gjirokastër, shprehën hapur pakënaqësitë e tyre për vendimin e kryeministrit për t’ia lënë kandidatin LSI-së, të njëjtin qëndrim kanë mbajtur edhe socialistët në Berat.

Duke e vlerësuar si të nxituar vendimin për lënien e një bastioni historik të socialistëve për LSI-në, socialistët e Beratit shtojnë se në zonat e jugut partia e Metës ka marrë më shumë seç meriton.