POP 5

Lajmet më të lexuara të 5 minutave të fundit

Politikë

Zgjedhjet, Subashi: S’ka kohë
për numërimin elektronik

Nënkryetarja e KQZ Dëshira Subashi ka kërkuar që komisioni i reformës zgjedhore të miratojë Kodin ma¬ksimumi në fund të prillit, pasi nuk ka më kohë për implementimin e numërimit elektronik, si dhe ngritjen e infrastrukturës së nevojshme.
Zgjedhjet, Subashi: S’ka kohë <br />për numërimin elektronik
TIRANE - Nënkryetarja e KQZ, Dëshira Subashi tha për gazetën "Shqiptarja.com" se numërimi elektronik është hap pozitiv, por rëndësi ka koha për implementimin e këtij ndryshimi. Pasi KQZ e re do ketë shumë punë për implementimin dhe aktet nënligjore.

Palët kanë rënë dakort në Komisionin për Reformën Zgjedhore për të futur votimin elektronik. Sa efikas do të jetë?
Palët politike kanë rënë dakort që të përdorin metodën e numërimit elektronik dhe kjo është gjë e mirë. Partitë politike në Komisionin e Refomës Zgjedhore janë në të drejtën e tyre ta bëjnë një gjë të tillë dhe ta fiksojnë në ligjin zgjedhor.

Mendoni se mund të realizohet në praktikë...?
Po u fut në ligj numërimi elektronik ai patjetër që do të realizohet, sepse s'ka rrugë tjetër. Problemi është koha kur do të miratohet Kodi i ri Zgjedhor, që të fillojë punë administrata zgjedhore për të implementuar ligjin në praktikë. Pra gjithçka varet nga koha e miratimit të Kodit Zgjedhor.

Kuvendi ka shtyrë dhe dy muaj të tjerë afatin e Komisionit për reformën zgjedhore. Mendoni se egziston mundësia kohore që numërimi elektronik të aplikohet në zgjedhjet e vitit 2013?
Isha në tryezën e OSBE për reformën zgjedhore dhe gjatë debatit u vlerësua se duhej një kohë relativisht e mjaftueshme për të përgatitur procesin dhe tërë infrastrukturën e numërimit elektronik. Sëpaku ekspertët dhanë mesazhin që përgatitja për numërimin elektronik kërkon një kohë nga 15 muaj deri në 5 vjet. Por sigurisht bëhet fjalë për një angazhim të madh të të gjithë faktorëve. Koha që do jetë në dizpozicion për të implementuar këtë ndryshim, është pjesa më e rëndësishme në aplikimi.

Ju po thoni se koha është e pamjaftueshme, përderisa maksimumi Kodi Zgjedhor, nëse s'ka shtyrje përfundon në fund të prillit?
Nëse miratohet Kodi brenda muajit prill sikurse e ka mandatin për të përfunduar, ndoshta ekziston koha për të implemetuar projektin për numërimin elektronik. Por duhet pasur parasysh se është dhe një moment shumë i rëndësishëm që do të lidhet me KQZ e re që do të emërohet. Përpos Kodit Zgjedhor që do të duhet të përfundojë sa më shpejt, trupa e KQZ aktuale nuk do të jetë pjesmarrëse në zgjedhjet e 2013. Ata që do jenë në këtë detyrë të rëndësishme, do të kenë mundësinë e vet, kohën e vet dhe rregullat e veta për ta implementuar numërimin elektronik.

Mendoni se mund të arrihet të bëhet numërimi elektronik...?
KQZ nxjerr aktet nënligjore, rregullat dhe veprimet e tjera që dalin në vijimësi për të realizuar implementimin e numërimit elektronik. Janë disa probleme zinxhir që kërkojnë zgjidhje, ndërkohë që koha është në limitet e mundshme. Uroj të realizohet.

Mendoni se mund të përmirësojë cilësinë e zgjedhjeve....?
Shpresoj që të sjellë një ndryshim pozitiv në realitet në numërimin e votës, por që do varet nga vullneti politik që është njëshi. Ekspertët ndërkombëtarë theksuan një element shumë të rëndësishëm: Nuk është votimi elektronik që rrit besimin, duhet krijuar besimi. Uroj që të ecë mbarë një proces kaq i madh.

Eshtë vendosur dhe për pakësimin e qëndrave të votimit...?
Pesonalisht unë nuk e di nëse komisioni reformës ka një studim për të gjitha qendrat e votimit që duhet të suprimohen, çfarë efekti ka tek votuesi. Eshtë çështje delikate dhe nëse mungon ky studim, vështirësohet shumë problemi.

Po përjashtimi i vendosjes së QV në ambientet private?
Do ishte mirë nëse realizohej një gjë e tillë. Eshtë një hap mjaft i mirë sepse partitë, veçanërisht të opozitës, cilado të jetë ajo, kanë probleme me QV-të në ambjentet private. Por janë problematike dhe për votuesit e mbarëvajtjen e procesit zgjedhor.

(jm/im/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43