TIRANE, 14 Mars/ATSH/- Dy krerët e mazhorancës qeverisëse, Edi Rama dhe Ilir Meta do të takohen të dielën për të përcaktuar procedurën e përzgjedhjes së kandidatëve nëpër Bashkitë e vendit.
Sipas mediave, takimi mes Kreut të PS, Edi Rama dhe kreut të LSI, Ilir Meta do të zhvillohet në ambientet e selisë së Partisë Socialiste në orën 11:00.
Në këtë takim, dy krerët e partive kryesore të mazhorancës, Edi Rama dhe Ilir Meta do të shoqërohen nga Gramoz Ruçi, kreu i grupit parlamentar të PS dhe Petrit Vasili kreu i grupit parlamentar të LSI-së.
Sipas mediave, gjatë këtij takimi në selinë rozë, do të përcaktohet edhe procedura e përzgjedhjes së kandidatëve nëpër Bashkitë e vendit. /a.g/
![](https://www.shqiptarja.com/template/img/sh_logo1.png)