Tiranë- Partia e Lirisë po vijon fushatën elektorale për zgjedhjet parlamentare të 11 majit.

Sekretari i Përgjithshëm i saj, Tedi Blushi, njëkohësisht kandidati për deputet në listën e sigurt të koalicionit “Aleanca për Shqipërinë Madhështore”, ka zhvilluar takim te Njësia nr. 5 në Tiranë, ku bëri thirrje që të votohej për numrin “1” në fletën e votimit dhe për PL si parti e Ilir Metaj si kandidat i listës së hapur.

“Ndryshimi do nisë nga zemra e Tiranës. Të lodhur nga keqqeverisja, premtimet e pambajtura dhe propaganda boshe, qytetarët mezi presin të votojnë Nr.1, për veten dhe familjet e tyre. Ulim koston e jetesës dhe rritim mirëqënien e shqiptarëve. I japim frymëmarrje biznesit të vogël të asfiksuar nga taksat abuzive dhe gjobat arbitrare. Ekonomi familjare e fortë, e nesërme e sigurtë për Tiranën”, shkruan Blushi në llogarinë personale në Facebook.

Në fund, Blushi thekson dhe apelon ndaj qytetarëve që jo vetëm të votojnë për koalicionin e djathtë dhe numrin 1, por adreson edhe votën e kandidatëve për kryetarin e PL-së, Ilir Metaj, i arrestuar dhe paraburgosur prej 21 tetorit 2024 nga SPAK dhe GJKKO.

“Voto nr. 1, Koalicionin “PD–Aleanca për Shqipërinë Madhështore”! Voto Ilir Metaj, Qarku Tiranë!”, e mbyll postimin drejtuesi i partisë.

Ilir Meta, që këtë herë ka gjeneralitetin e mbiemrit Metaj në fletën e votimit, ndodhet në listën e hapur të kandidatëve për deputetë të opozitës, në qarkun e Tiranës, duke mos pranuar përfshirjen në listën e mbyllur, në shenjë indinjate ndaj dy partive të mëdha PS-PD për ndryshimet kushtetuese të vitit 2008 dhe Kodit Zgjedhor të ndryshuar vitin e kaluar me listat e mbyllura.

 

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Termeti: 16/04/2025 14:16

    Te votojme Ilir Meten apo Ilir Metaj ? Ketu diçka luhet!

    Përgjigju
    • Mara emigrante ne Itali: 16/04/2025 17:02

      Po mo po e nesermja me like floririn dhe me ty gerdallen nga mbrapa .PL= parti e leckave

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera