POP 5

Lajmet më të lexuara të 5 minutave të fundit

Sociale

Zgjerohet harta e gripit të shpendëve, në Vlorë një vatër e re infeksioni

Harta e gripit të shpendëve në vendin tonë është zgjeruar. Ministria e Bujqësisë njofton se është konfirmuar një vatër e re e gripit të shpendëve në qarkun e Vlorës, në fshatin Aliban, ndërsa deri tani në gjithë vendin janë konfirmuar vatra të virusit në Durrës, Dibër, Korçë dhe Divjakë

Harta e gripit të shpendëve në vendin tonë është zgjeruar. Ministria e Bujqësisë njofton se është konfirmuar një vatër e re e gripit të shpendëve në qarkun e Vlorës, në fshatin Aliban, ndërsa deri tani në gjithë vendin janë konfirmuar vatra të virusit në Durrës, Dibër, Korçë dhe Divjakë.

Në një deklaratë për mediat, zv.ministrja e Bujqësisë, Ermira Gjeci nënvizon se po kryhet monitorimi i kujdesshëm i situatës, në të gjithë territorin e vendit, ndërsa AKVMB po vazhdon kontrollet në ferma me drejtim prodhimtari vezë, mishi dhe miks, në të gjithë territorin e vendit. Sipas Autoritetit Kombëtar të Ushqimit, nuk janë konstatuar shkelje apo problematika.

Ministria e Bujqësisë bën me dije në bashkëpunim me bashkitë, janë marrë masa për ndalimin e tregtimit të shpendëve të gjallë në mjediset e hapura të pamiratuara për shitje. Konsumatori shqiptar është e rëndësishme të ndihet i sigurt, se ushqimet në tregun tonë, në qendrat e licensuara janë të kontrolluara, thotë më tej zv.ministria e Bujqësisë.

'Nuk ka asnjë rrezik nga konsumi i mishit dhe vezëve të gatuara me temperature më të larta se 70 gradë Celsius.Nëse konstatoni shenja të dyshimta për influencë aviare në ferma apo oborre, ju bëjmë thirrje të kontaktoni menjëherë veterinerin zyrtar të zonës ose të telefononi falas në numrin e gjelbër 0800 33 66.'- njofton ministria.

Rastet e para me gripin e shpendëve në vend janë regjistruar më 19 mars, ku më së shumti janë prekur pulat e fermave, por ka patur edhe raste të regjistruara në pulat e oborrit. Janë katër vatra aktive të konfirmuara në Durrës, Korçë, Dibër dhe në Divjakë. Pavarësisht shqetësimeve te qytetarët dhe panikut të shkaktuar nga kjo sëmundje, autoritetet kanë theksuar më shumë se një herë se nuk paraqitet asnjë rrezik nga konsumimi i mishit të shpendëve apo vezëve.

K.T./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57