Pas zgjedhjes së gjashtë emrave të Këshillit të Lartë të Gjyqësorit (LEXO KËTU), një reagim ka ardhur nga Ambasada e Shteteve të Bashkuara të Amerikës.
Në reagimin e saj, Ambasada shprehet se krijimi i Këshillave shënon një hap vendimtar në zbatimin e reformës në drejtësi të Shqipërisë, e cila zëvendëson një sistem të prishur me një sistem me integritet.
Këshilli i Lartë Gjyqësor dhe Këshilli i Lartë i Prokurorisë janë dy shtyllat e një sistemi gjyqësor të pavarur dhe cilësor. Ngritja e Këshillit të Lartë të Prokurorisë do të mundësojë tani krijimin e Strukturës Speciale Kundër Korrupsionit dhe Krimit të Organizuar dhe Byrosë Kombëtare të Hetimit, si edhe zgjedhjen e Prokurorit të Përgjithshëm të përhershëm.
Ambasada e SHBA-ve
Më tej, në reagimin e Ambasadës shkruhet se aktorët kombëtarë duhet tani të konsolidojnë përparimin e reformës në drejtësi, përfshirë edhe rekrutimin dhe emërimin e magjistratëve të rinj, gjë që është vendimtare për funksionimin e gjyqësorit.
“Një gjyqësor i fortë dhe i pavarur është kritik për të sjellë për popullin shqiptar rezultate në luftën kundër krimit të organizuar dhe korrupsionit,”-shkruhet më tej në reagimin e Ambasadës.
Në fund, Ambasada ka konfirmuar edhe njëherë mbështetjen e Shteteve të Bashkuara për ndërtimin e një sistemi gjyqësor të pavarur dhe cilësor.
REAGIMI I PLOTË I AMBASADËS:
Ambasada e Shteteve të Bashkuara të Amerikës në Tiranë mirëpret krijimin e Këshillit të Lartë të Prokurorisë dhe Këshillit të Lartë Gjyqësor. Ne përgëzojmë prokurorët dhe gjykatësit që morën pjesë në votim për kurajon e tyre dhe që zgjodhën të ndryshojnë historinë e Shqipërisë. Krijimi i Këshillave shënon një hap vendimtar në zbatimin e reformës në drejtësi të Shqipërisë, e cila zëvendëson një sistem të prishur me një sistem me integritet, i cili përmbush dhe u shërben nevojave të qytetarëve shqiptarë.
Këshilli i Lartë Gjyqësor dhe Këshilli i Lartë i Prokurorisë janë dy shtyllat e një sistemi gjyqësor të pavarur dhe cilësor. Ngritja e Këshillit të Lartë të Prokurorisë do të mundësojë tani krijimin e Strukturës Speciale Kundër Korrupsionit dhe Krimit të Organizuar dhe Byrosë Kombëtare të Hetimit, si edhe zgjedhjen e Prokurorit të Përgjithshëm të përhershëm. Këto institucione të drejtësisë janë të gjithë gurë të rëndësishëm në ndërtimin e shtëpisë së drejtësisë.
Aktorët kombëtarë duhet tani të konsolidojnë këtë përparim të reformës në drejtësi, përfshirë edhe nëpërmjet rekrutimit dhe emërimit të magjistratëve të rinj, gjë që është vendimtare për funksionimin e gjyqësorit. Një gjyqësor i fortë dhe i pavarur është kritik për të sjellë për popullin shqiptar rezultate në luftën kundër krimit të organizuar dhe korrupsionit.
Shtetet e Bashkuara mbeten plotësisht të angazhuara në mbështetjen e Shqipërisë për ndërtimin e një sistemi gjyqësor të pavarur dhe cilësor, i cili sjell drejtësinë për të gjithë qytetarët shqiptarë.
Lajme të tjera
-
Opozita ktheu kaosin në Kuvend, reagon Ambasada Amerikane në Tiranë: Jemi të shqetësuar për forcën e shpalosur në parlamentin shqiptar
1 Tetor, 12:28 -
Dita ndërkombëtare e gjuhës së shenjave, ambasada e SHBA: Të punojmë për të siguruar qasje të barabartë në komunikim për të gjithë
23 Shtator, 17:24 -
Kurs 3-javor për hetimin e krimit për 15 hetues të AMP/ Ambasada e SHBA: Më shumë llogaridhënie nga policia në rrugën drejt integrimit në BE
23 Shtator, 16:56 -
23-vjetori i sulmeve terroriste, Ambasada e SHBA: Ditë që ndryshoi përgjithmonë botën
11 Shtator, 11:43 -
SHBA e BE në mbrojtje të SPAK, angazhohen në komisionin e posaçëm anti-korrupsionin! Ambasada amerikane: Presim transparencë! Të mbrohet pavarësia e institucioneve
6 Shtator, 13:28 -
Shtetasja amerikane denoncon rrëmbimin e vajzës nga babai i saj! Dyshohet se ka hyrë në Shqipëri! E ëma njofton Interpol dhe Ambasadën e SHBA në Tiranë
14 Gusht, 14:52 -
Ministri Hasani pret në zyrë të ngarkuarën me punë të SHBA, Nancy VanHorn: Mirënjohje ndaj Shqipërisë që mbështet nismat rajonale të sigurisë të qeverisë amerikane
12 Gusht, 16:53 -
E Ngarkuara me Punë e SHBA-së, VanHorn flet shqip: E përkushtuar për të mbështetur Shqipërinë në rrugën drejt BE-së
6 Gusht, 12:35 -
Mashtrimi me bursat e studimit në SHBA, arrestohet 20-vjeçari, ‘koka’ e skemës! Prodhonte dokumente me vulat e ambasadës amerikane (EMRI)
23 Korrik, 10:11 -
Tetë vite nga Reforma në Drejtësi, ambasada e SHBA: Krenarë që kemi qëndruar me popullin e Shqipërisë në këtë përpjekje të vështirë dhe të guximshme
22 Korrik, 20:06 -
Ambasada amerikane: Deklarata ‘gjithëserbe’, sulm i rrezikshëm ndaj Dejtonit dhe institucioneve të Bosnjës
11 Qershor, 08:09 -
'Kam pasur të pandehur edhe të njohur të familjarëve të mi! Ambasada Amerikane vlerëson prokuroren e SPAK, Dorina Bejko! Hetoi dhe Fredi Belerin
25 Mars, 13:42
