POP 5

Lajmet më të lexuara të 5 minutave të fundit

Kronikë

Mbyllet Konferenca Gjyqësore, zgjidhen 6 anëtarët për në KLGJ (EMRAT)

Me votim të fshehtë, 360 gjyqtarë nga të gjitha gjykatat e vendit votuan sot për ngritjen e Këshillit të Lartë Gjyqësor. 9 ishin kandidatët gjyqtarë në këtë proces, nga të cilët u zgjodhën 6 anëtarët e KLGJ-së. Lidhur me ngritjen e KLGJ-së kanë ardhur edhe reagime të shumta nga Ambasada Amerikane, OSBE dhe ambasadori i BE në Shqipëri, Luigi Soreca. 

TIRANË- Pas Këshillit të Lartë të Prokurorisë, sot është zgjedhur edhe Këshsilli i Lartë i Gjyqësorit, isntitucioni më i lartë i sistemit të ri të Drejtësisë. 339 gjyqtarë kanë votuar sot 6 kolegë për vendet vakante nga 9 kandidatë, të cilët prej ditës së sotme do të jenë anëtarë të KLGJ-së.

Marcela Shehu, Brikena Ukperaj, Medi Bici, fituan automatikisht, pasi nuk kishte gjyqtarë të tjerë në garë, ndërsa Dritan Hallunaj fitoi me 215 vota, Brunilda Kadi me 135 dhe Ilir Toska 200.

Para votimit, Report Tv mësoi se gjyqtarja Alma Brati u tërhoq nga gara. Kërkesa është depozituar një ditë më parë dhe Brati ka deklaruar se nuk do që të jetë pjesë e zgjedhjeve për anëtare të KLGJ. Ndërkaq, 5 anëtarët e tjerë, të zgjedhur më votim nga Kuvendi janë avokatët Fatmira Luli dhe Alban Toro, pedagogët Maksim Qoku dhe Erion Muharremaj dhe Naurela Llagami nga shoqëria civile.

Ndërkohë një ditë më parë, prokurorët kanë zgjedhur 6 anëtarët e Këshillit të Lartë të Prokurorisë. Besnik Cani, Gent Osmani, Antoneta Sevdari, Kosta Beluri, Bujar Sheshi dhe Arben Dollapi do të jenë anëtarë e KLP nga radhët e prokurorëve. (SHIKO KËTU)

Funksionimi i këtyre dy institucioneve, vë në lëvizje mekanizmat për organet e tjera të parashikuara nga Reforma në Drejtësi. Ngritja e Këshillit të Lartë të Prokurorisë i hap rrugë zgjedhjes së Prokurorit të ri të Përgjithshëm, si dhe ngritjes së Prokurorisë së Posaçme (SPAK) nga e cila do të varet më pas dhe Byroja Kombëtare e Hetimit, dy organet që pritet të shënojnë një kthesë në luftën kundër korrupsionit dhe krimit të organizuar. Ndërsa Këshilli i Lartë Gjyqësor do të zëvendësojë rolin që ka luajtur deri më tani Këshilli i Lartë i Drejtësisë, duke rikthyer normalitetin në funksionimin e gjyqësorit.

KËSHILLI I LARTË GJYQËSOR

Gjyqtarë

Dritan Hallunaj - Gjykata e Krimeve të Rënda

Marcela Shehu - Gjykata e Tiranës

Brunilda Kadi - Gjykata e Tiranës

Medi Bici- Gjykata e Lartë

Brikena Ukperaj - Gjykata e Apelit të Vlorës

Ilir Toska - Gjykata e Apelit Tiranë

Avokatët
Fatmira Luli
Alban Toro

Pedagogët
Maksim Qoku
Erion Muharremaj

Shoqëria Civile
Naurela Llagami

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jani: 12/12/2018 10:45

    Zgjidhni Alltunin e Sarandes ta nderoni drejtesine

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41