TIRANE-  Bardhok Pulaj dhe Erieta Laçej janë përzgjedhur si drejtorë të Drejorive Arsimorë për qarkun e Lezhës dhe të Shkodrës. Përzgjedhja është bërë pas debatit publik që u zhvillua mes kandidatëve që arritën të shkonin në finalen publike. Fituesit u vlerësuan nga një juri e përcaktuar nga Ministria e Arsimit.

Kandidatet kanë prezantuar platformat e tyre për arsimin ne Lezhe dhe Shkodër, duke vendosur pikat e forta dhe te dobëta, ku duhet ndërhyrje imediate. Pas shpalljes fitues, drejtorët e ri të Drejtorive Arsimore kanë deklaruar se do të jenë bashkëpunues me çdo drejtues dhe çdo mësues për t’i dhënën një drejtim të ri arsimit në këto qarqe.

E pranishme në këtë garë të fundit ka qenë edhe Ministrja e Arsimit, Lindita Nikolla, e cila në fjlën e saj ka vlerësuar këtë proces si transparent dhe ku gjithçka ka ardhur në bazë të meritës së konkurentëve.

Kanë qenë 230 kandidatë që e kanë nisur këtë garë nga 13 qarqe të vendit me anë të një testimi me shkrim. Faza e dytë ka qenë ajo e intervistimit pranë Ministrisë së Arsimit, fazë të cilën e kanë kaluar vetëm 68 kandidatë. Kjo është faza përfundimtarë që përkon edhe me përzgjedhjen e fituesve.

Ditën e djeshme janë zhvilluar finalet në qarkun e Lezhës dhe të Shkodrës, ndërsa sot do të zhvillohen përzgjedhjet për Tirane- Qark dhe Durrës.  Për Tiranën aktiviteti do të fillojë në orën 12:00 në në qyteti studenti, salla "Iliria".

Ndërsa në Durres, aktiviteti fillon në orën 17:00, tek  Pallati i Kultures, në sallën  e shfaqeve. Ndërsa përzgjedhja e fituesit për Qarkun e Elbasanit dhe të Korçës do të bëhet ditën e mërkurë. Kjo mënyrë përzgjedhjeje synon tu japë fund emrimeve në zyrat e Ministrisë dhe gjithëçka do të jetë transparente për publikun.  

 Shkrimi u publikua sot (26.11.2013) në gazetën Shqiptarja.com (print)

Redaksia Online
(d.d/shqiptarja.com)