KORÇË- Ajo që Lulzim Basha premtoi se do të bënte me marrjen e mandatit të tij të tretë në krye të PD-së për të bashkuar demokratët, ka nisur me zhbërje të një prej degëve më të rëndësishme të kësaj forcë politike, asaj në qytetin e Korçës. Kryetari i kësaj dege, Andrea Mano, Sekretari i Përgjithshëm, Devis Osmani dhe 13 anëtarë të Kryesisë kanë dhënë ditën e sotme dorëheqjen duke hedhur edhe akuza të forta në drejtim të lidershipit të partisë. Ata thotë se zgjedhin që të japin dorëheqjen pasi kjo PD-ja në drejtimin e Lulzim Bashës është kthyer në një parti klienteliste për interesa të kryetarit, një parti ku mbizotëron arroganca, shpërfillja, nepotizmi dhe papërgjegjshmëria e lidershipit të PD.
Në ndryshim nga Lulzim Basha, që fajtor për humbjen në zgjedhjet e 25 prillit bëri qeverinë Rama, në deklaratën e dorëheqjes, të larguarit shprehen se faji ishte i vetë kryedemokratit i cili sipas tyre vunë në krye të listës emra që nuk përfaqësojnë vlerat dhe moralin e qytetarisë. Humbja në 25 prill ka emër dhe sipas tyre është Lulzim Basha dhe Edmond Spaho, ky i fundit si drejtues politik në qarkun e Korçës, e për këtë theksojnë se do duhet të marrin përgjegjësitë. Mano, Osmani dhe 13 anëtarët e larguar rreshtohen krah zërave kritik të lidershipit aktual të PD duke thënë se kjo parti nuk më ajo e vlerave politike që lindi nga studentë të dhjetorit ’90, por “po merren këmbë vlerat e demokracisë”.
Të nderuar qytetare të Korçës, të dashur demokrate të Korçës. Sot është një dite jo e lehte për ne, anëtaret e kryesisë se PD dega Korçë . Ne kushtet kur nuk ka asnjë shenje vullneti për të pare ne sy humbjen dhe për të reflektuar mbi shkaqet e vërteta të saj. Të revoltuar nga arroganca, shpërfillja, nepotizmi dhe papërgjegjshmëria e lidershipit të PD, të vendosur të qëndrojmë pranë demokrateve të thjeshte ne qytetin dhe fshatrat e Korçës, me të cilët kemi ndare sfida elektorale e kemi përballuar dite të vështira ne opozitë, të bindur se sot Korça dhe Shqipëria kane me shume se kurrë nevoje për kontributin e të gjithëve duke vendosur interesin e qytetarit mbi interesin klientelist të kryetarit. Ne sot po largohemi nga të gjitha funksionet drejtuese të PD ne Korçë. Unë kam dhënë dorëheqjen si kryetar i PD dega Korçë dhe sot po jap dorëheqjen si anëtar i Këshillit Kombëtar të PD. 14 anëtarë të kryesisë, që janë këtu me mua sot, midis tyre edhe Sekretari i degës se Korçës , Devis Osmani qe ka punuar pranë meje për 8 vite , largohen me dorëheqje të parevokueshme nga ky funksion.
Të dashur qytetare të Korçës , të nderuar demokratë. Në qe jemi sot këtu në këtë sallë dhe shume demokrate të tjerë jashtë kësaj salle të cilët kanë punuar ne kushte të vështira për PD , sot ndjehen të papërfaqësuar. Importet e L. Bashës nuk përfaqësojnë vlerat dhe moralin e qytetarisë të banoreve të Korçës, ne qytet dhe në fshat. Ne nuk duam të jemi dëshmitarë të zerimit të kontributeve të demokrateve të thjeshtë dhe dënojme ashpër futjen e frymës se përçarjes. Ne i lexojmë me seriozitet , përulësi dhe jo me arrogance mesazhet që vijnë nga rezultati i zgjedhjeve. Ata që drejtuan fushatën elektorale duhet t’i vënë emrin e tyre humbjes . Ata janë arsyeja e parë dhe e fundit e humbjes se PD në qarkun e Korçës. Vlerat e demokracisë tek të cilat unë dhe shumë studente të dhjetorit ‘90 besuam, nuk do të merren dot neper këmbë nga lidershipi i PD. Ne do të vazhdojmë të jemi anëtarë të PD , do të vazhdojmë të besojmë dhe të punojmë për demokracinë, për të sotmen dhe për të nesërmen e Korçës", thuhet në deklaratën.
Pas dorëheqjes, Report Tv pati një lidhje telefonike nga Korça më Andrea Manon, i cili tha se ky largim ka ardhur si pasojë e situatës së krijuar në degën e Korçës. Ai mohoi që ky vendim të ketë ardhur me qëllim që t’i bashkohet një tjetër force politike.
“Arsyeja është situata që është krijuar në degën e Korçës dhe lidershipit të PD. Ka lidhje me mënyrën se si janë zhvilluar ngjarjet në Korçë. Sot është bërë dorëheqja dhe sot është bërë publike. Nuk ka lidhje për t’iu bashkuar ndonjë subjekti tjetër politik”, tha Mano për Report TV.
Pakënaqësitë në këtë degë kanë lindur që para zgjedhjeve të 25 prillit, ku Andrea Mano ishte i renditur në listën për deputet në vendin e 7-të ndërkohë që PD-ja, kishte si objektiv maksimal marrjen e 5 mandateve në këtë qark, ndërsa ka pasur konflikt edhe me Ervin Salianjin sa i përket ndarjes së zonave elektorale mes kandidatëve të PD, e që sot, u “finalizua” me një dorëheqje në masë.
Për këtë çështje kaq të rëndësishme kryetari i PD-së Lulzim Basha nuk denjoi të fliste në konferencën për shtyp që zhvilloi një orë pas dorëheqjes kur preferoi të fliste vetëm për raportin e OSBE, ODIHR-itr. Edhe pse u pyet për këto largime, Basha nuk komentoi duke thënë se konferenca e sotme për shtyp i dedikohej vetëm raportit të OSBE mbi zgjedhjet.
.jpeg)
Letra e dorheqjes së sekretarit të Partisë Demokratike në Korçë, Devis Osmani
.jpeg)
Letra e dorheqjes së Andrea Manos
Kryetari i degës së PD në Korçë, Andrea Mano dha sot dorëheqjen, së bashku me Sekretarin e Përgjithshëm, Devis Osmani dhe 13 anëtarë të Kryesisë, duke e mos i kursyer akuzat për lidershipin e kësaj partie, Lulzim Bashën.
Ndërkohë, në një intervistë për 'Report Tv', para zgjedhjeve, pasi Basha e la atë në një vend të pasigurt në listë, të 7-in, kur objektivi ishte 5 mandate, Mano foli me rezerva, ku tha se lista do ndëshkohet apo përkrahet nga vetë qytetarët!
"Unë do të isha për kandidatë përfaqësues që janë pranë njerëzve dhe njihen nga komuniteti, por lista është diçka që do të ndëshkohet apo përkrahet nga vete qytetarët më 25 prill", u shpreh ai për Report Tv para zgjedhjeve.
Ndërsa për konfliktin me kandidatin Ervin Salianji që ndodhi rreth dy muaj më parë për ndarjen e zonave elektorale mes kandidatëve të PD, ai u shpreh asokohe se ishin diskutime në aspektin e maksimizimit të votave në PD.
"Nuk do e quaja konflikt kanë qenë diskutime në mbledhje të mbyllur të PD-së. Kanë qenë diskutime në aspektin e maksimizimit të votave në PD të mundësisë që i jepet çdo kandidati për të maksimizuar votat atje ku ai mendon se ka me shumë mundësi", tha Mano.
Lexo këtu intervistën e plotë të Andrea Manos për Report Tv para zgjedheve
Komente
Lajme të tjera
-
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Korçë/ Hyri me forcë në ambientet e një banke, jepet masa detyrim paraqitje për 38-vjeçarin
25 Dhjetor, 13:03 -
Korça feston Krishtlindjet, mbahet mesha në Katedralen ‘Ngjallja e Krishtit’
25 Dhjetor, 10:53 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23
parti klienteliste ka qene me kohe (si edhe te tjerat) puna eshte qe ju skeni me akses tek ky lloj klientelizmi or plak ....pa moral juve as keni pasur as keni e as do te keni....shqiperia ka marre fund me kohe dhe fajtore jane partite politike dhe barktharet e dikurshem qe tani sillen si fisnike e high class
PërgjigjuNese Shqiperia ka marre fund, atehere cfare te shtyn ty te lxosh lajme dhe te shpenzosh kohe me komente mbi nje vendi te pashprese? Dikush qe s'ka shprese te dicka nuk harxhon kohe me vprime te tilla. Ngelet duke perhapur helm ne rrjete sociale sikur Shqiperia te jete armiku juaj.