Zhdukja misterioze e aktores shqiptare në SHBA, vetëvritet i dashuri i saj

Aktorja shqiptare nga Maqedonia, Adea Shabani, e cila është raportuar e zhdukur prej shumë kohës, besohet se ka vdekur. Mediat amerikane shkruajnë se burri i cili ishte në lidhje me të bëri vetëvrasje të enjten pas përndjekjes nga policia, përcjell albinfo.ch. Adea Shabani jetonte në Amerikë më pak se dy vite më parë për të ndjekur karrierën e saj në aktrim.

Policia e konfirmoi për FOX11 se familja dhe miqtë e saj besojnë se Adea ka vdekur. Chris Spotz, 33 vjeç, që gjithashtu ishte një aktor ambicioz, ishte në lidhje me Adean. KTLA raportoi se ai dhe Adea ishin takuar në një shkollë të aktrimit. Zyra e Sherifit në Qarkun e Riverside tha se Spotz tentoi të ikte nga policia me një kamion të vjedhur.

Spotz raportohet se kishte një pasagjer në automjetin e vjedhur, por u ndalua që ta linte personin të dilte jashtë, para se të vazhdonte ikjen e tij nga policia. Shoferi më pas qëlloi veten në kokë, përderisa policia tentoi të krijonte një kordon bllokues në rrugë për ta ndalur atë.

LEXO EDHE:
Biden dhe Trump qëndrime të forta lidhur me tarifat mbi mallrat kineze

Autoritetet i thanë NBC, Los Angeles se automjeti mund të jetë përdorur për vrasje. Detaje të tjera rreth vrasjes nuk u bënë publike. Policia beson se Shabani u vra në një rajon mes Hollivudit dhe Sakramentos. Policia po vazhdon ta kërkojë trupin e Adeas dhe zhdukjen e saj misterioze.

TAG:
• SHBA
• Adea Shabani
• aktorja shqiptare e zhdukur

Sondazhi i ditës:

A po jep rezultate lufta e SPAK ndaj grupeve kriminale?

• Po

  73.8%

• Jo

  19.3%

• Nuk e di

  6.9%

Vota total: 2300

Votat totale janë unike

• Sondazhi i ditës:

  A po jep rezultate lufta e SPAK ndaj grupeve kriminale?

  Po Jo Nuk e di