POP 5

Lajmet më të lexuara të 5 minutave të fundit

Politikë

Zhupa propozim te ‘Ligjet’: Gazetarët të mbrohen si policët nëse dhunohen! PS e rrëzon: S’janë punonjës shteti

Komisioni për Çështjet Ligjore rrëzoi sot me shumicë votash propozimet e tre kolegëve të opozitës, Oerd Bylykbashi, Erisa Xhixho dhe Ina Zhupa, për disa ndryshime në ligjin 7895, të “Kodit Penal të Republikës së Shqipërisë”. Demokrati Bylykbashi e braktisi mbledhjen që në krye të herës ndërsa pavarësisht argumenteve të deputetes Xhixho, propozimet u rrëzuan me 14 vota kundër.

Zhupa propozim te ‘Ligjet’: Gazetarët të mbrohen si policët nëse dhunohen! PS e rrëzon: S’janë punonjës shteti

Foto nga Komisioni i Ligjeve

Përfaqësuesit e maxhorancës në Komisionin e Ligjeve nuk e kanë marrë parasysh propozimin e koleges së opozitës Erisa Xhixho, për ndryshim në nenin 262 të Kodit Penal, ku kërkon që dënimi për kundravajtjen penale në rast organizimi grumbullimi apo manifestimi të paligjshëm, të ulet nga 12 në 6 muaj, si dhe të jetë e mjaftueshme vetëm një kërkesë e bërë me shkrim, pa marrë lejen e posaçme nga organet kompetente.

 “Kolegët propozojnë që të njoftohet me shkrim dhe të mos merret leje për organizime grumbullimesh dhe manifestimesh, dhe kundravajtjen me 1 vit për moszbatimin e duan 6 muaj. Nuk mund të bësh një njoftim me shkrim dhe të mos i përmbahesh atyre që ke shkruajtur”, tha relatorja e mbledhjes, Ermonela Felaj.

Po me 14 vota kundër, me pretendimin se punonjësit e medias nuk janë të rrezikuar në vendin tonë, u rrëzua edhe propozimi i deputetes Ina Zhupa, e cila kërkoi që kategori të trajtohet si subjekt i veçantë në ligjin 238 të Kodit Penal, në rastet e goditjes dhe kanosjes për shkak të detyrës.

 “Veprat penale që kërkon ndryshim Zhupa parashikon punonjësit e shtetit, ata të medias nuk janë punonjës shtetëror dhe në funksion të publikut. Kodi Penal ka një nen që është “rrethanat rënduese”, i lejon gjykatës që nëse goditja apo kanosja i ndodh gazetarëve, dënimi të jetë më i rëndë se kur vepra i ndodh një subjekti të rastësishëm. Me ndryshimet që kërkoni i bie që media është në rrezikshmëri këtu në Shqipëri, por jo nuk është e rrezikuar”, argumentoi Felaj.

Maxhoranca në Komisionin e Ligjeve rrëzoi edhe kërkesën e demokratit Bylykbashi, për mosparashkrimin e veprës penale, për kryerjen e së cilës akuzohet një zyrtar shtetëror. Relatorja Ermonela Felaj argumentoi se të vetmet vepra që nuk parashkruhen janë krimet e luftës dhe ato kundër njerëzimit.

Në minutat e para mbledhja u braktis nga përfaqësuesit demokratë, Oerd Bylykbashi, Jorida Tabaku dhe Dhurata Çupi, pasi kjo e fundit nuk u lejua të flasë jashtë rendit të ditës, lidhur me përjashtimin prej 13 ditësh të kolegëve demokratë nga Komisioni i Ligjeve.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • POLICI NË LIRIM: 18/10/2023 18:31

    Po vazhduat me ligje për mbrojtiene të gjithëve sipas OPOZITËS nuk e di se kush do të mbrojë TëMjerët POLICË?

    Përgjigju
  • Mergimtari: 18/10/2023 13:46

    Parashkrimi i veprave penale nuk duhet te figuroj fare ne kodin penal.Ky lloj neni u sherben te gjithe atyre qe kryejne korrupsion dheevazion fiskal.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43