X

POP 5

Lajmet më të lexuara të 5 minutave të fundit

Kronikë

Zhvatën 4 mln euro online, bizneset mashtruese në QKB janë ende aktive, me adresa jo reale! Skema që përdorën dhe këshillat e ekspertëve

Edhe pasi policia goditi grupin që përmes mashtrimit kompjuterik arriti të vjedh 4 milionë Euro, disa biznese fiktive të hapura nga shqiptarët dhe kamerunasit janë ende aktive në QKB megjithëse në adresat e dhëna nuk ka zyra apo ambiente të tjera. Eksperti Besmir Semanaj shpjegoi në Report TV se mashtrimi në nivele të tilla nis nga një gabim njerëzor, ndaj duhet shmangur interneti në ambiente publike.

Shqiptarët dhe kamerunasit që bashkëpunuan për mashtrimin me vlerë prej katër milionë euro dhe që u zbuluan nga Policia e Shtetit, mundën të regjistronin disa biznese në Qendrën Kombëtare të Biznesit, përmes së cilëve arritën të realizojnë mashtrimin. Në një vëzhgim të Report Tv vihet re se pjesa më e madhe e tyre vazhdojnë të kenë funksional aktivitetin.

Xhentil Kupe dhe Fatbardh Danja përveç statusit aktiv të licencimit në QKB për një pjesë të madhe të këtyre bizneseve, adresat që ata kanë dhënë si zhvillim të aktivitetit duket të jenë jo reale. Report Tv kërkoi në disa prej tyre dhe rezulojnë të mos jenë me aktivitet biznesi siç ato janë të regjistruar në QKB.

Por si arriti policia të shkoj deri tek ky zbulim mashtrimi kompjuterik?

Fillimisht hetimet nisën ndaj kameruansve për falsifikim dokumentash. Por hetuesët në këtë pistë nuk gjetën prova. Faza tjetër vazhdoi me kontrollin e llogarive bankare të firmave të regjistruara në QKB nga Kupe, Danja dhe dy kamerunasi Donald Anu dhe Marie Goffan. Llogaritë e tyre ishin me zero lekë. Kjo shtoi dyshimet dhe ngriti pistën e hetimit për mashtrim kompjuterik. Ata kishin arritur të ndërhynin në komunikimet e klientëve me kompani të tjera reale jashtë territoreve të shtetit shqiptar, dhe që bënin blerje të shumta biznesi. Në momentin që në komunikimet përmes postës elektronike të kompanive serioze bashkë me klientët kishte shkëmbime për transaksione, ndërhynin këta administratorë të kompanive mashtruese. Kontaktonin klientin, duke iu prezantuar si administrator i kompanisë serioze dhe i kërkonin që shuma e parasë të derdhej në një tjetër llogari, jo në atë të kompanisë, pasi për disa probleme teknike nuk ishte e mundur. Klientët, duke menduar se po komunikonin me administratorë të kompanisë serioze bënin derdhjen e parave, por në llogari të gabuar. Gjithçka bëhej duke u fshehur në mënyrë të plotë, ndërsa edhe email-et mashtruese kishin të njëjtën formë si ata të kompanive serioze që realisht bënin shit-blerje.

Si bëhen këto lloj mashtrimesh? Eksperti Besmir Semanaj thotë se gjithçka nis nga një gabim njerëzor, duke shpjeguar me hapa se si është arrihet deri në vjedhjen e parave.

Semanaj vë theksin tek kujdesi i shtuar që duhet të kenë qytetarët tek pajisjet e sigurta që duhet të përdorin. Po ashtu, rrezik sipas tij është edhe përdorimi i internetit publik.

K.T./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Tentuan të kalojnë kanalin La Mansh për të shkuar në Britani, humbin jetën 5 emigrantë! Mes tyre një fëmijë

Tentuan të kalojnë kanalin La Mansh për të shkuar në Britani, humbin jetën 5 emigrantë! Mes tyre një fëmijë

23 Prill, 11:04