Kjo forcë politike ka vendosur që të tërheqë të gjithë ministrat dhe zv/ministrat nga kabineti qeveritar.
Ky vendim u mor mbrëmë nga BDI nga kryesia e kësaj partie, ndonëse arsyet e këtij vendimi ende nuk janë bërë të njohura, ndonëse u bë publike edhe një deklaratë për këtë lëvizje të papritur.
"Kryesia e Bashkimit Demokratik për Integrim vendosi sonte që të tërheqë të gjithë përfaqësuesit e vet aktual nga pushteti ekzekutiv i Republikës së Maqedonisë. Kryesia gjithashtu ka rikonfirmuar të drejtat statutore dhe ka rideleguar të gjitha kompetencat ekzekutive dhe vendimarrëse pranë Kryetarit Ali Ahmeti për të vendosur mbi hapat e metejshëm të Bashkimit Demokratik për Integrim. Bashkimi Demokratik për Integrim gjithashtu njofton opinion e gjerë vendor dhe ndërkombëtar që do të rishqyrtojë politikat e veta në ditët në vijim", thuhet në njoftimin e BDI-së i cili është shpërndarë në mediat maqedonase.
BDI është një forcë politike që përfaqëson komunitetin shqiptar në Maqedoni dhe kjo tërheqje vjen në një kohë kur Maqedonia drejtohet nga një qeveri teknike, pas dorëheqjes që bëri kryeiminstri i saj Nikola Gruevski.
Redaksia Online
(F.T/shqiptarja.com)
![](https://www.shqiptarja.com/template/img/sh_logo1.png)