Zhvillimet e merkatos/ Arsenal piketon sulmuesin për 60 mln euro, Reali akord me Rudiger! Romagnoli në bisedime me Lazio-n

Tamy Abraham ka përfunduar në radarët e Arsenal, që kërkon një sulmues me potencial për sezonin e ardhshëm. Sipas ‘Daily Star’ topçinjtë janë gati të hedhin 60 mln euro për anglezin, i cili një vit më parë la Chelsea-n për Romën, atje ku sulmuesi ka bërtë një sezon të parë të shkëlqyer.

Lajme të reja ditën e sotme kanë patur edhe për Rudiger, mbrojtësin e Chelsea-s, i cili ka zgjedhur të mbyllë në qershor kontratën me londinezët. Ish-i i Romës verën e ardhshme do bashkohet me Real Madrid, që ka përmbushur kërkesat e çmendura të mbrojtësit për 10 milionë euro në sezon. Nga ana tjetër sipas ‘Football London’ Chelsea është hedhur në sulm për Julian Konde, mbrojtësin e Sevillia-s.

Ndërkohë në Itali po bëhen negociata të vazhdueshme mes mbrojtësit të Milanit Romagnoli dhe klubit të Lazio-s. Il Messaggero shkruan se futbollisti dhe klubi në fjale ende nuk e kanë gjetur marrëveshjen. Romagnoli kërkon 3.2 milionë euro, ndërsa Lazio ofron 2.5. Gjithsesi e ardhmja për këtë ‘martesë’ duket optimiste.

Ne.k./Shqiptarja.com

TAG:
• rudiger
• chelsea
• arsenal
• Tamy Abraham