Liqeni i Farkës u shndërrua sot në mikpritësin e garës së parë të Triathlon-it në Tiranë, një sport që bashkon tre disiplinat sportive më të njohura dhe të praktikuara në një garë të vetme: not, çiklizëm, vrap. Në garë morën pjesë sportistë profesionistë dhe amatorë, por vendin e parë për femra e zuri Jelena Tomaseviç, kurse për meshkuj Strahinja Trakiç.
Në nisje të saj, kreu i Bashkisë së Tiranës, Erion Veliaj, përshëndeti pjesëmarrësit dhe qytetarët e shumtë të ardhur në Parkun e Farkës, i cili falë investimeve të bashkisë është tashmë jo vetëm një destinacion argëtues për fundjavën, por edhe një ide e shkëlqyer për aktivitete sportive në natyrë. Veliaj theksoi se falë aktiviteteve të tilla sportive dhe kulturore të organizuara në kryeqytet, mediat prestigjoze ndërkombëtare e rendisin Tiranën si një ndër dhjetë qytetet më të mira për t’u vizituar në Europë.
Jam shumë i lumtur që Lonely Planet e ka renditur Tiranën si një nga dhjetë qytetet më të mira për t’u vizituar në Europë. Kjo do të thotë se puna që kemi bërë bashkë, jo vetëm bashkia, por i gjithë qyteti me 1 milion banorë, ia kanë rritur emrin e Tiranës, që sot është një nga dhjetë qytetet më të vizitueshme në Europë.
Kryebashkiak i Tiranës, Erion Veliaj
Teksa vlerësoi organizimin e garës së parë të Triathlon-it, kryebashkiaku tha se kjo nismë do të kthehet në një traditë të suksesshme, duke sjellë edhe mjaft vizitorë të huaj.
Duhet të pranojmë që është vetëm hera e parë që organizojmë një aktivitet të tillë. Kur organizuam Maratonën e Tiranës, në garën e parë kishim vetëm 100 vetë. Në garën e dytë kishim 2500 garues vetëm nga jashtë; është vetëm çështje sa të kalojmë testin e parë të një gare profesioniste dhe vitin tjetër të kemi mijëra të tjerë, që ndoshta do na vijnë nga vende të ndryshme.
Kryebashkiak i Tiranës, Erion Veliaj
Tirana Triathlon është edhe një mundësi e mirë promovimi e sporteve të ndryshme, aktivitetit fizik dhe promovimin e pikave turistike të kryeqytetit, si natyra fantastike e Liqenit të Farkës. Veliaj siguroi se shumë shpejt, edhe Liqeni i Farkës do të kthehet në një hapësirë tërheqëse për qytetarët e Tiranës për të kaluar disa orë çlodhjeje pranë natyrës.
Është vetëm çështje kohe derisa Parku i Farkës të bëhet aq popullor sa Parku i Liqenit të Tiranës. Po të shikoni gjithë perimetrin e Farkës, ka mbi 20 mijë pemë nga 126 mijë që kemi mbjellë. Por siç e dini, nuk mjafton vetëm infrastruktura, po nuk pati frymë, energji njeriu që ta jetojë këtë park, s’ka kuptim. Në njëfarë mënyre ky është edhe një promovim i parkut të Liqenit të Farkës, i cili po kthehet në mushkërinë e dytë të Tiranës.
Kryebashkiak i Tiranës, Erion Veliaj
Ndërkohë, sportistët garues në Tirana Triathlon përshkruan distancat 750 m not, 11 km biçikletë dhe 4 km vrap të zhvilluara njëra pas tjetrës. Përgjatë të gjithë itinerarit ishin të pranishëm Policia Bashkiake, ambulanca dhe vullnetarë, të cilët ndihmuan garuesit në sinjalistikë dhe në pikat e shpërndarjes së ujit.
Fituesit e Tirana Triathlon:
Për kategorinë meshkuj
1- Strahinja Trakic
2- Luka Cupic
3- Dusan Tomasevic
Për kategorinë e femrave
1- Jelena Tomasevic
2- Zana Pavicevic
3- Meredith Himestra
Lajme të tjera
-
10 vogëlushë shndërrojnë Liqenin e Farkës në miniteatër! Me Ledian Gjecin, mesazhe të forta, për dashurinë pa interes, meritokracinë dhe rregullin
1 Gusht 2023, 14:41
-
Ambasadorja greke, Kamitsi: Greqia, pranë Shqipërisë në procesin e anëtarësimit në BE
14 Qershor 2023, 16:37 -
Zhvillohet në Parkun e Liqenit të Farkës edicioni i pestë i Tirana Triathlon, Veliaj: Sporti na bën bashkë, i gjithë rajoni është pjesë e një mëhalle
11 Qershor 2023, 14:05 -
Veliaj inspekton punën për transformimin e Parkut të Liqenit të Farkës: Një mushkri e dytë për qytetin
18 Gusht 2022, 13:25 -
Veliaj publikon foto nga kantieri në liqenin e Farkës: Sëshpejti me pedonale të re, pistë vrapimi e korsi biçikletash
8 Gusht 2022, 11:07 -
Mbytet një 45-vjeçar në Liqenin e Farkës, dëshmitë e familjarëve 'ngrenë në këmbë' policinë! Polumbarët nisin kërkimet
17 Korrik 2021, 22:07 -
Ndahen çmimet e fituesve të Tiranathlone, Veliaj: Forcojmë bashkëpunimin mes vendeve të rajonit
20 Qershor 2021, 15:53 -
Veliaj dhe kryebashkiaku i Athinës përurojnë Parkun Helen në liqenin e Farkës: Stoli e shtuar në marrëdhënien e shkëlqyer Shqipëri-Greqi
18 Qershor 2021, 17:16 -
Mediat greke jehonë Parkut Helen në Tiranë
18 Qershor 2021, 09:38 -
Bashkia e Tiranës dhe Ambasada e Greqisë në Shqipëri, organizojnë për herë të parë në Tiranë “TIRANATHLON”
17 Qershor 2021, 09:14 -
Liqeni i Farkës, parku i dytë urban i Tiranës me risi për vizitorët (Foto)
13 Maj 2020, 11:21 -
Leja për prindërit me fëmijë, qytetarët mbushin plot liqenin e Farkës (VIDEO)
3 Maj 2020, 12:52
