POP 5

Lajmet më të lexuara të 5 minutave të fundit

Kultura

Zhvillohet në Korçë festivali ‘Shpirti i Ballkanit’, Kita: Synojmë të promovojmë folklorin e traditat

Në qytetin e Korçës u zhvillua edicioni i tretë i festivalit shpirti i Ballkanit ku trupa të ndryshme nga vende të rajonit performuan valle dhe muzikë folklorike. Zamira Kita organizatore e festivalit tha se kjo nismë synon të ruajë folklorin si dhe është mënyra më e mirë për tu rikthyer në normalitet pas më shumë se një viti në pandemi

Për të tretin vit radhazi u organizua në Korçë festivali ‘Shpirti i Ballkanit’ ku trupa të ndryshme nga vendet e Rajonit performuan me këngë e valle folklorike.

Ndryshe nga edicioni i pare këtë vit COVID 19 diktoi një formë tjetër organizimi në të cilën morën pjesë vetëm 3 ansamble Ansambli i Bitolës së Maqedonisë, Ansambli i Skëndërbeut dhe ai i Shqiperisë së Mesme.

Drejtoresha e Teatrit të Korçës, Zamira Kita tha se ky festival synon të ruajë traditën e këmbimin e eksperiencave dhe ruajtjen e urave të bashkëpunimit mes vendeve të Rajonit

‘Ne dëshirojmë që të ruajmë në vazhdimësi vlerat e folklorit tonë dhe prandaj e kemi marrë këtë iniciativë. Vjet u përpoqëm në një formë virtuale që të realizonim disa bashkëpunim me disa nga vendet e Ballkanit ndërsa sivjet u rikthyem në skenë. Shpresojmë që pandemia do të marrë fund dhe ne mot do të kemi një festival edhe më të madh në numrin e trupave pjesëmarrëse.’- tha Zamira Kita.

Këngët popullore folklorike, vallet dhe muzika instrumentale u duartrokiten nga artdashesit korçare por dhe turistet e pranishëm në skenën e Pazarit të Vjetër të Korçës.

Një prej anëtarëve të ansamblit të ‘Skënderbeu’ Ines Sulenjis rrëfeu emocionet e një shfaqe përpara publikut pas një viti pandemi

‘Ishte një ndjesi e papërshkrueshme pasi gjithë trupat nuk ishin mbledhur kurrë pas kësaj kohe pandemie dhe mezi po prisnim të vinim në skenë.’- tha Inses Sulejnis nga ansambli Skëndërbeu.

Një ndër artistët e ansamblit Bitola të Maqedonisë vlerësoi festivalin dhe uroi që vitin tjetër ai të organizohet më i madh.

‘Festivali ka qenë i mrekullueshëm, organizimi gjithashtu. Jemi të lumtur që jemi pjesë e saj dhe shpresojmë që vitin tjetër të jetë më i madh.’- një ndër artistët e Ansamblit Bitola.

Vitin e ardhshëm ky festival pritet te vije me një program me te zgjeruar dhe pjesëmarrje me te madhe te shteteve te Ballkanit.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Operacioni i SPAK me 19 urdhër arreste, masë sigurie për Suel Çelën

Operacioni i SPAK me 19 urdhër arreste, masë sigurie për Suel Çelën

25 Nëntor, 21:28