Në flakë një magazinë me rroba te ‘Qytet Studenti’ në Tiranë, biznesi s'kishte marrë masa kundër zjarrit! 30 zjarrfikës në vendngjarje, shumë dëme materiale (VIDEO)

TIRANË-  Një magazinë me rroba u përfshi nga zjarri pasditen e kësaj të diele në zonën e ‘Qytet Studentit’ në Tiranë, duke shkaktuar flakë të mëdha prej disa orësh.  Zjarri rrezikoi pallatin 6 katësh, i cili u përfshi nga flakët, por edhe ndërtesa të tjera rrotull. 

Për disa orë, 30 forca zjarrfikëse me 7 mjete luftuan me flakët, duke u vënë në kontroll. Gazetarja e Report Tv, Ledina Jakimi, raporton se magazina me rroba i përket Vladimir Hodos ndërsa ende nuk dihet shkaku i rënies së zjarrit. Ndërkohë që u shkëput energjia elektrike për të mos rrezikuar përhapjen e flakëve. 

Drejtori i zjarrfikësve, Shkëlqim Goxhaj, kritikoi biznesin në të cilin ka rënë zjarri sot në Qytet Studenti në Tiranë për mosmarrjen e masave kundër zjarrit. Ai tha se kjo e bën shumë të rrezikshme punën.

Siç shihet edhe nga pamjet e siguruara nga Report Tv, zjarri ka qenë i madh ndërsa mund të shihen përmasat e mëdha të tymit nga magazina e përfshirë nga flakët. Magazina me rroba, të cilat ishin  të vendosura në bodrum ndodhet në rrugën ‘Pjetër Budi’. Për këtë ngjarje ende nuk dihet shkaku, nëse ka qenë i qëllimshëm apo vjen si pasojë e ndonjë defekti. Grupi hetimor po punon për zbardhjen e plotë të rrethanave të ngjarjes.

 

.

Rendit zhvillimet sipas orarit:
Ora 22:56
Zjarri që përfshiu magazinën në 'Qytet Studenti', shuhen plotësisht flakët

Pas disa orësh, zjarrfikësit arritën që të shuajnë plotësisht zjarrin që përfshiu magazinën me veshje në “Qytet Studenti’.

Ora 20:36
Zjarri në Tiranë, drejtori i zjarrfikësve: Biznesi nuk ka respektuar masat, e vështirë fikja e flakëve

 

Drejtori i zjarrfikësve, Shkëlqim Goxhaj, kritikoi biznesin në të cilin ka rënë zjarri sot në Qytet Studenti në Tiranë për mosmarrjen e masave kundër zjarrit. Ai tha se kjo e bën shumë të rrezikshme punën.

“Zjarri ka qenë i vështirë për shkak të materialeve. Pronari nuk ka vepruar mirë për ruajtjen nga zjarri. Bëj thirrje për bizneset që katet nën tokë mos të bëhet destinacion, sepse fikja e zjarrit bëhet e rrezikshme. Pavarësisht boteve të shumta tq ujit ende nuk është fikur zjarrin", tha Goxhaj.

Ndërsa drejtori i Komisariatit nr. 1 në Tiranë  Bujar Mehmeti ka thënë se ende nuk dihen shkaqet dhe se s’ka ndonjë të dhënë për zjarr vënie të qëllimshme.

Ora 19:49
Zjarri në magazinën në ‘Qytet Studenti’, zjarrfikësit çajnë murin, ndërhyjnë në flakët pas banesës

Vijon të jetë aktiv zjarri në magazinën rrobave në “Qytet Student”, ndërsa zjarrfikësit kanë çarë murin për të ndërhyrë në pjesën pasme të banesës të përfshirë nga flakët.

Ora 19:19
VIDEOLAJM/ Shtëllungë tymi në mes të Tiranës, vijon zjarri në ‘Qytet Studenti’

 

Këto janë pamjet në këto momente në Tiranë ku si pasojë e një zjarri në një magazinë me rroba, e gjithë lagja është pa energji elektrike ndërkohë që një shtëllungë tymi ngrihet mbi zonë.

Ora 18:51
U dogj sot në Tiranë, ja kujt i përkiste magazina me rroba te ‘Qytet Studenti’ (EMRI)

 

6 zjarrfikëse ndodhen në vendngjarje dhe 4 të përqëndruara nga përpara jan vënë në gatishmëri për të fikur zjarrin e madh që preku magazinën me rroba të Qytet Studenti’. Magazina me rroba i përket Vladimir Odaj ndërsa ende nuk dihet shkaku i rënies së zjarrit.  Rrobat shiteshin me shumicë, ndërsa banesa është e dhënë me qira. Pronari merrej me trregëti rrobash që në vitet 90'. Ngjarja është shënuar rreth orës 17:00.

Ora 18:26
VIDEOLAJM/ Zjarri në Tiranë, magazina e bërë shkrumb rrezikohen 3 banesa

 

Magazina e cila mori flakë në Tiranë është bërë shkrumb, kjo duket edhe nga pamjet e siguruara nga Report Tv.  Siç raporton dhe gazetarja e Report Tv Ledina Jakimi nga flakët rrezikohen 3 banesa. 

G.MO/S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Mbështetësi i Belerit pështyu Tavon, ‘shpërthen’ Braçe: Këta horra që mendojnë se kanë imunitet nga Greqia të ndëshkohen me ligj! Cenuan shtetin dhe zyrtarët shqiptare

VIDEO/ Mbështetësi i Belerit pështyu Tavon, ‘shpërthen’ Braçe: Këta horra që mendojnë se kanë imunitet nga Greqia të ndëshkohen me ligj! Cenuan shtetin dhe zyrtarët shqiptare