Zjarret e mbrëmjes në fshatrat e Vlorës, Ministria e Mbrojtjes: Pas tyre një grup kriminal që vepron natën! 3 vatra në Fushë-Arrëz

Vijon që të jetë aktiv zjarri në fshatin Kryezi.

Në pamjet e siguruara nga Report Tv shihet se pisha dhe pemë vijonë që të jenë nën flakë.

Ndërkohë, forcat zjarrfikëse vijojnë 'luftën' me flakët për të bërë të mundur shuarjen e tyre.

Një zjarr ka rënë në një kodër pranë fshatit Drashovicë të Bashkisë Selencë. Vatra e zjarrit është në një terren të vështirë, ndërsa era që fryn ndihmon në përhapjen e flakëve.

Nga zjarri në Drashovicë rrezikohet një stan që ndodhet afër vatrës së zjarrit.

Ndërkohë, po tani në mbrëmje një vatër zjarri është rregjistruar edhe në afërsi të fshatit Dukat, si edhe në fshatrat Bolenë, në Kotë, Mavrovë dhe Vajzë.

Autoritetet lokale dhe forcat zjarrfikëse janë në terren për të mbajtur nën kontroll flakët.

Zjarret në bashkine e Fushë Arrëzit vijojnë të mbeten problematik. Krahas dy vatrave të zjarrit që vijojnë aktive prej 10 ditësh, pasditen e së enjtes një vatër zjarri është shfaqur në pyjet me pisha në afërsi të fshatiti kryezi duke rrezikuar qe të hyjë në fshat.

Situata në Kryezi u konsiderua serioze nga autoritetet lokale të cilat kërkuan ndërhyrjen nga ajri, gjë që nuk u bë e mundur. 

Bashkia e Fushë- Arrëzit u detyrua të tërheq disa nga forcat e angazhuara në vatrat pranë fshatiti Xath duke i përqendruar në afërsi të fshatiti Kryezi, teksa në ndihmë të zjrrfikësve dhe punonjësve të shërbimit pyjor shkuan dhe banorë të fshatrave Kryezi dhe Orosh si dhe dhe një skuadër e shërbimit zjarrfikës të Pukës dhe disa autobot të ofruara nga kompani private.

Aktualisht intensiteti i flakëve ka rënë, por forcat e angazhuara vijojnë monitorimin me qëllim që zjarri të mos përhapet drejt fshatrave Kryezi e Orosh në njesine administrative Qafë Mali.

Një vatër zjarri është regjistruar mbrëmjen e sotme në fshatin Drashovicë, bashkia Selenicë.

Flakët janë shfaqur rreth 100 metra poshtë një stalle, duke rrezikuar bagëtitë që ndodhen aty pranë.

Artmir Doda, kreu i Pyjores dhe Dodë Pepa, kreu i Emergjencave në Fushë Arrëz, duke folur për sitiatën e zjarreve 

Zjarret në zonën e Fushë-Arrëzit kanë marrë përmasa të rrezikshme teksa po djegin prej orësh sipërfaqe me pyll e bimësi, madje në një prej vatrave duke iu afruar edhe zonës së banuar.

Artmir Doda, drejtor i Shërbimit Pyjor në Fushë Arrëz, bëri një panoramë të situatës pasditen e sotme, teksa ndodhej në terren duke drejtuar aksionin bashkë me zjarrfikësit dhe emergjencat për shuarjen e fkalëve.

Ai apeloi për ndihmë nga banorët dhe Ushtria, pasi flakët përhapen me shpejtësi sidomos në fshatin kryezi, ku po rrezikohen edhe shtëpitë. Gjithashtu thekson se zjarri dyshohet se është i qëllimshëm.

“Aktualisht kemi 3 vatra zjarri, në Kulumri, në një Njësinë Administrative Blerim dhe para 40 minutash në zonën e Kryeziut një vatër e re zjarri, njësia e Qafë malit, shumë aktive dhe e rrezikshme. Vetëm një orë nga zjarri ka të paktën 2 ha të djegura me pishë të zezë. Jo vetmë kaq, por përbën rrezik edhe për banorët e fshatit Kryezi, sepse era favorizon kushtet e përhapjes së zjarrit, në drejtim të shtëpive dhe banesave”, tha ai.

Në lidhje me shkaqet e zjarrit dhe apelin që kishte, Doda u shpreh:

“Policia e Shtetit është këtu, po heton, por mendohet se është një zjarr i qëllimshëm. Të gjithë banorët e zonës dhe Ushtria të na vijnë në ndihmë për të neutralizuar zjarrin dhe të mos kemi dëmtim të jetëve”.

Kurse Dodë Pepa, shefi i Emergjencave Civile bashkia Fushe Arrëz, tha se në fshatin turistik Kryezi, problematike mbetet zona e quajtur Podinat, ku flakët përparonin të ndihmuar nga era.

“U shfaq para një ore dhe jemi këtu me forca për ta shuar, pasi ishim në një vatër tjetër të përqendruar ku po luftojmë prej ditësh. Siç e shihni, situata është jashtë kontrollot, sepse ndërhyrja nga toka është e vështirë. Shpresojmë të na vijë ndihma nga ajri që të shpëtojmë këtë vend, sepse situata është shumë kritike”, tha ai.

Në Fushë-Arrëz është shfaqur një tjetër vatër zjarri në pyjet pranë fshatit Kryezi në Podinat. Zjarri i ndihmuar nga erat e forta po përhapet me shpejtësi në pyjet e pishës së zezë.

Shërbimi zjarrfikës, Shërbimi Pyjor dhe Policia kanë shkuar në vendin ku ka rënë zjarri.

Bashkia Fushë-Arrëz bën thirrje për ndërhyrje të menjëhereshme nga ajri dhe apelon banorët që të mobilizohen për vëninen nën kontroll të flakëve.