Zjarr në periferi të Athinës, digjen shtëpitë, evakuohen banorët

Një zjarr masiv ka pushtuar periferinë e Athinës, Parnitha pranë Manastirit Cloiston në orën 11:56 me orën lokale. Sipas autoriteteve, shumë banesa janë shkatërruar nga flakët e zjarrit në Fyli, ndërsa autoritetet po evakuojnë banesat që janë pranë Manastirit.

Zjarrëfikësit po mundohen për shuarjen e zjarrit. Sipas tyre 50 murgesha janë bllokuar në manastir për shkak të flakëve të zjarrit, por sipas raportimeve ato janë në gjendje të mirë shëndetësore, raporton Protothema.

“Zjarri është ndarë në dy fronte. Njëri është duke lëvizur në lindje dhe tjetri në jug të fshatit”, tha Sekretari i Përgjithshëm i bashkisë së Phylis Argyris Argyropulos.

Zjarrëfikësit në bashkëpunim me policinë tentuan të hapnin rrugën për të shpëtuar 50 murgeshat, por në vendngjarje ka mbërritur edhe një ekip special i EMAK-ut, i cili ndihmon në nxjerrjen e personave në rast evakuimi. 

Forcat e zjarrfikëses janë shtuar, pasi në vendngjarje po operojnë 23 automjete me 56 zjarrfikës dhe 5 helikopterë. 

Gjithashtu, ndalohet qarkullimi në Manastir për të lehtësuar qarkullimin e mjeteve zjarrfikëse.

 

Lajmi kryesor:

Greqia në ‘luftë’ me flakët, 18 emigrantë gjenden të djegur në pyllin e Dadias në Evros! Rama: Solidarzohemi me shtetin fqinj

S.S/KT/Shqiptarja.com

TAG:
• zjarr
• athine
• greqi