Zjarre masive në Greqi, banorët: Humbëm gjithçka që kishim, zjarrfikësja erdhi me vonesë

Një banor i prekur nga flakët e zjarrit masiv në Greqi, për mediat vendase tha se zjarri kishte shkrumbuar çdo gjë që ata kishin bërë në shtëpitë e tyre me mund dhe sakrificë gjatë këtyre viteve.

“Zjarri fshiu mundin e një jete. Shtëpia ishte djegur plotësisht”, tha një banor i prekur.

LEXO EDHE:
Mero Baze: Beteja për mitingun e Athinës po bëhet më e madhe se vet mitingu

Ai tha se ata kanë qenë në pritje që zjarrfikësja të shkonte në vendngjarje dhe se zjarri kishte djegur shtëpitë e tyre, i gjithë pylli ishte përshirë në flakë dhe se nuk kishte mbetur asgjë, raportojnë mediat e huaja.

Ai shtoi më tej duke thënë se vetëm kisha e vogël u shpëtua nga zjarri, i cili kritikoi edhe autoritetet greke duke dëshmuar se zjarrëfikësja kishte pasur shumë vonesa.

 “E gjithë zona u dogj dhe nuk u pa asnjë zjarrfikës, pas një ore erdhi një helikopter. Ata arritën të shpëtonin shtëpinë e tyre, por makina e tyre dhe e fqinjit u dogj”, tha ai.

Greqia është përshirë nga zjarret për shkak të temperaturave të larta të cilat kanë pushtuar gjithë rajonin, ku deri më tani janë raportuar disa banesa të djegura dhe dhjetëra persona të dërguar në spital të cilët kanë probleme me frymëmarrjen.

Lajmi kryesor:

Athina përfshihet nga zjarre masive, evakuohen banorët! Digjen banesa, dhjetëra persona dërgohen në spital

S.S/Shqiptarja.com

TAG:
• zjarr
• greqi