Numri i viktimave nga zjarret në Kaliforni, ka shkuar në 56 bëjnë të ditur mediat amerikane. Lufta me zjarret, që kanë dalë jashtë kontrollit në Kaliforni veriore, ka lënë të vdekur deri më tani 56 persona gjithsej, në të gjithë vendin raporton mediat amerikane.
Mësohet se ekipet e zjarrëfikëseve dhe kërkimshpëtimit vendas vazhdojnë të luftojnë me flakët, ndërkohë që dhjetra –mijëra banorë janë zhvendosur nga zonat e rrezikuara në Los Anxhelos dhe ende mbi 200 njerëz rezultojnë të zhdukur.
Ndërkohë mësohet se gjatë kërkimit shumë nga të vdekurit janë gjetur në makina të djegura si dhe në ndërtesa të shkatërruara në qytetin Paradise në Kaliforninë veriore. Zjarrfikësit luftuan gjatë gjithë natës me flakët që kishin përfshirë një sipërfaqe prej 50 mijë hektarësh.
Ekipet e ndihmës së emergjencës vazhdojnë punën, mësohet se një prej shefave të batalionit zjarrëfikës, ka thënë se rreth 100 trupa të Gardës Kombëtare janë vënë në dispozicion për të ndihmuar në kërkimin e njerëzve të tjerë mes viktimave dhe rrënojave që la zjarri në kampet.
Përpjekja e intensifikuar për të gjetur viktimat vjen në ditën e gjashtë të rënies së një zjarri që është cilësuar më i rëndi në historinë e vendit. Sipas mediave amerikane autoritet zyrtare kanë njoftuar se deri më tani sjanë djegur më shumë se 8,800 shtëpi dhe objekte të tjera, duke përfshirë pjesën më të madhe të ndërtesave, në qytetin Paradise, një qytet i cili është regjistruar më herët me 27,000 banorë.
Në Kaliforninë jugore, zjarri i “Woolsey” shkaktoi shumë viktima, ndësa shkatërroi më shumë se 400 struktura ndërtesash dhe zhvendosi rreth 200,000 njerëz të cilët u evakuan nga zona e rrezikut në perëndim të Los Anxhelosit.
Ndërkohë bëhet e ditur se ekipet zjarrfikëse po përllogarisin dëmet materiale dhe në njerëz, ndërkohë që mbi 220 banorë aktualisht figurojnë të zhdukur.
Komente
