3 vatra zjarri janë aktive në vendin tonë. Dy vatra janë në fshatin Mash të Tropojës dhe në fshatin Shetaj të Durrësit, ku zjarri ka intensitet të ulët dhe pa rrezik për banesat. Ndërsa në fshatin Bërzanë të Lezhës, operacioni për shuarjen e flakëve nisi që prej orëve të para të mëngjesit dhe aktualisht është arritur izolimi i vatrës dhe po mbahet nën kontroll nga forcat në terren.
Ministria e Mbrojtjes bën me dije se situata është më e qetë dhe ditën e djeshme u bë izolimi i plotë i vatrave në Lekbibaj të Tropojës, në Maqellarë të Dibrës, në pyllin e Ballollit, Poliçan, në fshatin Qesarat, Livadhja, në fshatin Gjeç Fushë, bashkia Vorë si dhe në fshatin Allkaj, bashkia Lushnjë, në Kodër Arapaj në Durrës.
Ministria e Mbrojtjes bën me dije se në terren ishin 125 forcave operacionale, ku përfshihen forcat zjarrfikëse, policisë së shtetit, forca vullnetare, trupa të Agjencisë Kombëtare të Zonave të Mbrojtura, shërbimit pyjor si dhe punonjës të emergjencave civile vendore.
Strukturat e sistemit të mbrojtjes civile janë në gatishmëri të plotë me të gjitha kapacitetet nga toka dhe ajri për mbajtjen nën kontroll të situatës në të gjithë vendin. Nuk mungon apeli për qytetarët nga Ministria e Mbrojtjes që kërkon të mos ndizet zjarr e të mos hidhen bishta cigareje në zona me bar sepse temperaturat janë të larta dhe mund të shkaktojnë zjarre me përmasa të mëdha.
"U bëjmë thirrje qytetarëve të jenë të kujdesshëm edhe në ditët e ardhshme, kur parashikohen ditë të nxehta. Ndiqni rekomandimet e Agjencisë së Mbrojtjes Civile. Mos hidhni në asnjë rast bishtat e cigareve në zona ku ka bar, pasi ekziston mundësia për nisjen e një zjarri! Mos ndizni zjarre në pyje! Nëse ndizni zjarr në kamping, mos u largoni pa u siguruar që është fikur tërësisht!
Pastrimi i kullotave me anë të zjarrit bëhet vetëm me autorizim të ndërmarrjes pyjore të rrethit ku ndodhet kullota. Ju lutemi qytetarëve raportoni menjëherë vatrat e zjarrit pranë shërbimeve zjarrfikëse, në mënyrë që ato të izolohen sa më parë, për të mos rrezikuar të çojnë në dëme të pallogaritshme. Ju kujtojmë se zjarret e qëllimshme ose nga pakujdesia dënohen sipas ligjit", thuhet në njoftimin e Ministrisë së Mbrojtjes.
Kujtojmë se zjarret në vendin tonë kanë qenë mjaft problematike gjatë ditëve të shkuara përkatësisht në zonën e Vlorës, Lezhës dhe Krujës. Zjarret e mëdha të favorizuara nga era kanë përpirë toka me të mbjella dhe ndërhyrja në disa zona për shkak të terrenit ka qenë mjaft e vështirë. Në disa zona, më konkretisht Krastë të Krujës, Mali i Çikës në Vlorë dhe disa fshatra në Lezhë zjarret kanë qenë të qëllimshme. Ndërkohë, zjarre ka patur edhe në zonën e Fierit, Lushnjë, Shkodër, Durrës por edhe në Gjirokastër. Lufta me 'flakët' është prezente edhe në Evropën Perëndimore ku shumë në shumë shtete zjarri ka 'përvëluar' tokat. Kulmi ka qenë në Britaninë e Madhe ku temperaturat shënuan shifra rekord dhe mjaft shqetësuese.
Ditën e sotme është riaktivizuar përsëri vatra e zjarri në Krastë të Elbasanit. Raportohet se zjarrfikëset ndodhen në zonën e përfshirë nga flakët.
Ndërkohë vijon puna për vënien në kontroll të flakëve.
Kujtojmë se dhe një ditë më parë, Krasta, e konsideruar si 'mushkëria' e qytetit, u përfshi nga flakët.
Një zjarr me përmasa të mëdha ka rënë ditën e sotme në njësinë administrative Tërpan, pjesë e bashkisë Poliçan. Zjarri fillimisht ka përfshirë ferra e shkurre dhe më pas ka vijuar në pyllin me pisha.
Kanë qenë rojet e pyjeve dhe disa banorë të zonës që kanë lajmëruar PMZ Sh Poliçan për rënien zjarrit, por rruga për të shkuar në Tërpan duhet të kalohet nga bashkia Berat duke i vonuar për më shumë se gjysmë ore mjetet.
Flakët e zjarrit janë përhapur me shpejtësi të ndihmuara nga era dhe temperatura e lartë në pyjet e Tërpanit duke dëmtuar sipërfaqet me shkurre dhe pyje me pisha.
Pranë zjarrfikësve të Poliçanit kanë shkuar për ndihmë edhe zjarrfikësit e Beratit. Raportohet se zjarri është vënë nën kontroll por ende po punohet për fikjen e të gjitha vatrave të tij.
Në fshatin Tragjas të Vlorës është përfshirë nga flakët një sipërfaqe me shkurre, te Kalaja e Gjon Boçarit. Deri më tani raportohet për një zjarr masiv.
Në zonën e përfshirë nga flakët është nisur zjarrfikësja me 8 ton ujë bashkë dhe me 4 efektivë.
Komente
Lajme të tjera
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Nesër reshje intensive me shtrëngata në 5 qarqe, apel për marrjen e masave
22 Dhjetor, 13:24 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Ministri Vengu takon studentët e masterit në AFA: T'i kushtojmë më shumë rëndësi sigurisë kombëtare
16 Dhjetor, 18:51 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
VIDEO/ Merr flakë banesa në katin e parë të një pallati në Sarandë, fqinjët shpëtojnë të moshuarën që jetonte aty
15 Dhjetor, 16:46 -
Lushnjë/ Shkrumbohet dyqani në fshatin Delisufaj, shkak shkëndija elektrike
13 Dhjetor, 13:43 -
Zjarri përfshin një banesë në Korçë, shkak dyshohet shkëndija elektrike, flasin banorët: U frikësuam se u bë gjithë tym, një grua përfundoi në spital, u asfiksua nga tymi
11 Dhjetor, 19:21 -
Agjencia e Mbrojtjes Civile bëhet me ‘shtëpi të re’ në 5-vjetorin e saj! Vengu: Kapacitet kombëtar, do e shtrijmë në të gjithë territorin (VIDEO)
10 Dhjetor, 17:34 -
Përfundon ministeriali SHBA-Karta e Adriatikut në Tiranë, Vengu: Prioritet anëtarësimi i Kosovës, ndihmë Ukrainës dhe mbrojtje kolektive në zonën euroatlantike
4 Dhjetor, 14:01 -
Rrjedh bombola e gazit, shkrumbohet dyqani në Vlorë
4 Dhjetor, 13:29
