Banesa e dy familjeve në zonën e Margegajve në Tropojë është shkrumbuar nga zjarri duke lënë në qiell të hapur anëtarët e dy familjeve Toska.

Sipas të dhënave nga vendngjarja, mësohet se kulla në të cilën strehoheshin dy familjet i përkasin Shpend Toskes e Përparim Toskës që tashmë është shkrumbuar.

Ndonëse shërbimi zjarrfikës ka mbërritur në vendin e ngjarjes ajo nuk ka mundur që ti shpëtojë asnjë orendi familjeve ndërkohë që karta të fundit kanë bërë apel që institucionet apo gjithkush tjetër të mund ti ndihmojë.

“I bëj thirrje të gjithë njerëzve, shoqatave, shtetit që të na ndihmojnë” thotë i zoti i shtëpisë.

Ndërsa zonja e shtëpisë thotë se, “Jemi në qiell të hapur. Jemi 16 pjesëtarë në familje ndaj kërkojmë ndihmë sepse dimri është në prag dhe nuk mund ta përballojmë” ndërsa një nga nuset e shtëpisë tha se, “Pjesëtarët e familjes sonë tashmë jemi në qiell të hapur. Zjarrfikëset nuk arritën dot të na shpëtonin shtëpinë ndaji bëjmë thirrje shtetit që të na ndihmojë”.

Familjet Shpend e Përparim Toska përbëhen nga 16 pjestarë të cilët jetojnë me një pagesë të ndihmës ekonomike, pasi janë të papunë.

tropoje

Redaksia Online
(F.T/shqiptarja.com)