Zjarri i frikshëm në tunelin e Kalimashit, Kosova vihet në lëvizje, ministri i mbrojtjes: FSK-së është nisur drejt zonave të rrezikuara

Kosova mbrëmjen e kësaj të hënë ka nisur drejt Kalimashit një grup nga FSK –ja që do të ndihmojnë në shuarjen e flakëve, pasi situata në  orët e fundit ka dalë jashtë kontrollit. Ministri i Mbrojtjes, Armend Mehaj njoftoi se kontingjenti i FSK-së është nisur sonte drejt zonave të rrezikuara në Shqipëri, në ndihmë të autoriteteve tona.

 “Pas rëndimit të situatës, përveç në zonat jugore tani më edhe në ato veriore, dhe kërkesës së autoriteteve shqiptare për mbështetje, kam marrë siguruar homologun tim , ministrin Peleshi, se vullneti im për zbarkim të kontingjentit të FSK-së në operacion për shuarjen e zjarreve, do të përkrahet fuqishëm nga Qeveria e Republikës më në krye kryeministrin Kurti dhe Presidenten e Republikës, Vjosa Osmani.

LEXO EDHE:
Me 50 lek për litër, qumështi në Maliq shitet më lirë se uji, blegtorët: Çmimin e caktojnë baxhot, s’ka tregje! Ta derdhim, është gjynah?!

Kam dhënë direktivën për ngritjen e task-forcës së FSK-së dhe gatishmërinë e tij dhe me dhënien e  autorizimit zyrtar nga ana e Komandantes Supreme të Forcave të Armatosura, Presidentes Osmani, tani kontingjenti i FSK-së është nisur drejt zonave të prekura  dhe angazhimit të tyre në operacion në kuadër të forcave reaguese të Republikës së Shqipërisë”, shkruan ministri në facebook.

Ndërkohë në tunelin e Kalimashit ka mbërritur edhe ministri i Brendshëm i Kosovës Xhelal Sveçla.

Lajmi kryesor:

Flakët 'mbërthejnë' tunelin e Kalimashit, vihet në kontroll situata gjatë natës! Vjen ndihma nga Kosova, 34 zjarrfikës dhe 9 automjete! Gjici për Report Tv: Ndërhyn në mëngjes helikopteri! Meta në Kukës

TAG:
• Vlore
• Kukes
• Korce
• Fier
• karaburun
• voskopoje
• zjarret ne vend