Zjarri në Athinë, Veliaj: Do të kontribuojmë me ndihma

Kryetari i Bashkisë së Tiranës, Erion Veliaj ka shprehur solidaritetin e qytetarëve të Tiranës lidhur me situatën emergjente të krijuar ne Athine, si pasojë e zjarreve të mëdha.

Përmes një postimi në Twitter, kryebashkiaku Veliaj shprehet i trishtuar për jetët e humbura në këtë betejë kundër flakëve, ndërsa thekson se Këshilli Bashkiak i Tiranës do të ndihmojë për t’i ardhur në ndihmë Athinës, në këtë situatë të vështirë ku ndodhet kryeqyteti grek. Ai ka komunikuar edhe me homologun e tij, Kaminis, te cilit i shprehu gatishmerine per te ndihmuar ne kalimin e situates.

“Tirana solidarizohet me miqtë tanë në Atikë/Athinë, qe po luftojnë me ferrin e vërtetë të zjarreve! Jemi të trishtuar nga humbja e jetëve dhe lutemi që zjarret të vihen nën kontroll sa me shpejt te jete e mundur. Këshilli ynë i qytetit do të japë një kontribut nëpërmjet Ambasades Greke për të ndihmuar qytetin tonë motër”, shkruan Veliaj.

LEXO EDHE:
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu

E menjëhershme ka qenë edhe mirënjohja nga ana e Kryetarit të Bashkisë së Athinës, Yiorgos Kaminis. Kryebashkiaku i Athinës ka falënderuar homologun e tij shqiptar për solidaritetin e treguar dhe thekson se është rënë dakord për koordinimin e punës për ndihmën e premtuar nga Tirana në zonat e prekura.

“Kryetari i Bashkisë së Tiranës, Erion Veliaj, dhe ai i Shkupit, Petre Shilegov, më kontaktuan dhe me shprehen mbështetjen e plotë për situatën që po kalon Athina dhe kemi rënë dakord për koordinimin e punës për të dërguar ndihmë në zonat e prekura”, shkruan kryebashkiaku grek.

TAG:
• erion veliaj
• ZJARRET NE GREQI

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25.2%

• Keq

  60.7%

• Nuk e di

  14.1%

Vota total: 1582

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di