Zjarri në fushën e mbetjeve, bashkia: Shkak temperaturat e larta! Prokuroria nis hetimet

Zjarri në fushën e mbetjeve në Vlorë është shkaktuar nga temperaturat e larta bën me dije bashkia e Vlorës përmes një njoftimi për median.

Për shuarjen e flakëve janë angazhuar i gjithë Shtabi i Emergjencave pranë Bashkisë dhe Prefekturës së Qarkut Vlorë, duke përfshirë të gjithë stafin ndërmarrjes së Shërbimeve Publike dhe Ujësjellës-Kanalizime Vlorë.

Në njoftimin e bashkisë gjithashtu kërkohet nga të gjithë banorët të bëjnë kujdes gjatë ditëve në vijim duke u treguar vigjilentë. Ndërkohë burimet bëjnë me dije për Report TV se prokuroria ka nisur hetimet. 

Njoftimi i bashkisë

Ditën e sotme për shkak të temperaturave të larta në fushën e grumbullimit të mbetjeve në Vlorë janë krijuar vatra zjarri.

Bashkia e Vlorës dëshiron t'ju informojë se aktualisht përveç Zjarrfikëses, është angazhuar i gjithë Shtabi i Emergjencave pranë Bashkisë dhe Prefekturës së Qarkut Vlorë, duke përfshirë të gjithë stafin ndërmarrjes së Shërbimeve Publike dhe Ujësjellës-Kanalizime Vlorë.

Kërkojmë nga të gjithë banorët të bëjnë kujdes gjatë ditëve në vijim duke u treguar vigjilentë.

Nëse konstatoni vatra zjarri, ju lutemi të telefononi menjëherë zjarrëfikësen në numrin e emergjencës 128.

 

Lajmi kryesor:

Tymi 'pushton' Vlorën, digjet fusha e grumbullimit të mbetjeve! Bashkia: Shkak temperaturat e larta! Ministria e Mbrojtjes çon 8 mjete: S'ka rrezik për banesat

S.G/Shqiptarja.com

TAG:
• Vlore
• zjarrfikese
• zjarr