Presidenti Ilir Meta ka reaguar në lidhje me situatën e zjarrit në malin e Tomorit, ku që orëve të para të mëngjesit po digjet kurora me pisha, e shpallur Park Kombëtar dhe zonë e mbrojtur.
Me një postim në Facebook, Meta kërkon marrjen e masave të menjëhershme për shuarjen e flakëve, ndërsa akuzon Ministrinë e Mbrojtjes dhe strukturat e Shërbimit Zjarrfikës nuk kanë angazhuar mjetet dhe efektivët në terren.
Sipas Metës, indiferentizmi në mosreagim operacional është shpërdorim detyre me përgjegjësi ligjore.
"Jam duke ndjekur me shqetësim situatën aktuale të përhapjes së vatrës së zjarrit në malin e Tomorrit, që po dëmton seriozisht Parkun Kombëtar, një pasuri e jashtëzakonshme publike. U bëj thirrje autoriteteve vendore dhe qendrore të mos qëndrojnë indiferentë dhe as të humbasin më kohë, në marrjen e masave të menjëhershme dhe efektive të emergjencës, për të neutralizuar zjarrin dhe minimizimin e pasojave. Në mënyrë të veçantë nxis Agjencinë Kombëtare te Mbrojtjes Civile, që është vënë në dijeni të situatës, për angazhimin pa vonesë të strukturave të Ministrisë së Mbrojtjes për operacione nga ajri, si e vetmja formë efikase operacionale për fikjen e zjarrit në malin e Tomorit, për shkak të terrenit të vështirë për ndërhyrje nga toka. Është e pajustifikueshme për strukturat e Shërbimit Zjarrfikës dhe të Ministrisë së Mbrojtjes, që prej shumë orësh, sipas raportimeve nga terreni, nuk kanë angazhuar mjetet dhe efektivët për shuarjen e zjarrit masiv, një krim i rëndë mjedisor. Nisur nga ky rast, duke theksuar rëndësinë e ruajtjes së mjedisit dhe natyrës, Parqeve Kombëtare dhe Zonave të Mbrojtura, si dhe domosdoshmërinë e eliminimit të çdo rreziku për jetën dhe pronën, u bëj thirrje të gjitha strukturave përgjegjëse, të marrin të gjitha masat për të neutralizuar në kohë çdo vatër zjarri, në të gjithë territorin e vendit, që do të dëmtonte seriozisht pasurinë kombëtare dhe atë private. Indiferentizmi në mosreagim operacional është shpërdorim detyre me përgjegjësi ligjore", shkruan Meta.
Lajmi kryesor:
Zjarr në malin e Tomorit, zjarrfikësja nuk ndërhynë për shkak të terrenit shkëmbor! Kërkohet ndërhyrje nga ajri
Lajme të tjera
-
Durrës/ Zjarr në katin e dytë të një pallati! Në banesë ndodheshin dy të moshuara, njëra doli me ndihmën e zjarrfikësve! Digjen orenditë shtëpiake (FOTO+VIDEO)
26 Janar, 17:02 -
Tiranë/ Sërish zjarr në pallatet e kompleksit 'Kika' te 'Komuna e Parisit'! Merr flakë garazhi, shkak kompresori i frigoriferit të një marketi! Evakuohen banorët, mes tyre fëmijë (VIDEO)
25 Janar, 18:31 -
PAMJE TË RËNDA! Video tronditëse nga tragjedia në Turqi, momenti kur prindërit hedhin nga dritaret fëmijët për t’u shpëtuar flakëve
24 Janar, 18:33 -
SHBA/ Kalifornia përfshihet sërish nga zjarret, 31 mijë të evakuuar
23 Janar, 08:25 -
Itali/ Zjarr në një platformë nafte në det, roja bregdetare evakuon punëtorët (VIDEO)
22 Janar, 19:29 -
Tiranë/ Zjarr në katin e tetë të një pallati, policia evakuon banorët (VIDEO)
21 Janar, 17:08 -
Tiranë/ Zjarri i një dite më parë në katin e katërt të një ndërtese në 'Komunën e Parisit', Policia: Janë djegur zyrat e një banke të nivelit të dytë dhe një restorant
21 Janar, 14:54 -
Turqi/ Zjarri përfshin resortin e skive, 66 të vdekur dhe 51 të plagosur! Dyshime se erdhi nga restoranti! Erdogan shpall 22 Janarin ditë zie kombëtare: Shkaktarët duhet të mbajnë përgjegjësi para ligjit (VIDEO)
21 Janar, 07:40 -
Tiranë, zjarr në katin e katërt tek kompleksi 'Kika 2' te 'Komuna e Parisit', evakuohen banorët! Shkak një shkëndijë në paketën elektrike në një zyrë
20 Janar, 11:12 -
I moshuari i vendos flakën dyshekut në një azil në Serbi, 8 viktima, 7 të plagosur
20 Janar, 09:59 -
E rëndë në Tiranë, zjarri shkrumbon banesën, vdes i moshuari! 75-vjeçari i sëmurë, jetonte në mjerim i vetëm dhe mblidhte kanaçe (EMRI)
19 Janar, 21:51 -
Lushnje/ Digjen mbetjet në lagjen '28 Tetori', e gjitha zona e mbuluar nga tymi
19 Janar, 17:22
