Zotërues të 'fabrikës më të madhe të kanabisit' në Angli, 2 shqiptarët dënohen me 18 muaj burg

Dy shqiptarët e arrestuar në shtator për një plantacion kanabisi në Avon të Anglisë , me vlerën e 3 milionë paundëve, janë dënuar nga gjykata me 18 muaj burg.

Emigrantët e paligjshëm, Aleksandër Shyti (46 vjeç) dhe Altin Deda (39 vjeç) kultivonin mbi 4,000 rrënjë kanabisi në 50 metra nëntokë, kur u arrestuan gjatë një operacioni policor. Policia gjeti në vendngjarje një pishinë plastike, që shërbente për ujitjen e bimëve dhe një palestër të improvizuar, ku punonjësit që kujdeseshin për kanabisin e merrnin 100 paundë në ditë, të arrinin të ishin në formë sa më të mirë fizike.

Sipas mediave të huaja, plantacioni i dy shqiptarëve besohet të jetë fabrika më e madhe e kanabisit e zbuluar në Angli.

Tuneli është ndërtuar fillimisht  nga Ministria e Mbrojtjes për nevoja të sajat, për t’ia lëshuar më pas kompanisë “Heinz”, e cila e shfrytëzoi për të kultivuar kërpudhat e supës. E sapo përvetësuar nga dy shqiptarët, tunelit iu improvizua një hyrje nga një derë e vogël, që të lidhte dy shqiptarët në mënyrë direkte me 40 dhomat ku kultivoheshin bimët e kanabisit. 

 

TAG:
• angli
• plantacion kanabisi
• denim me burg
• Aleksandër Shyti
• Altin Deda