'Zoti na adresoi diku tjetër', Gena tregon si ai dhe bashkëshortja i shpëtuan sulmit terrorist në Stamboll

Këngëtari i njohur shqiptar Gena Lito, i cili ndodhet në Stamboll së bashku me gruan e tij, ka treguar se fati e ka ndihmuar të shmangej nga sulmi terrorist, të ndodhur ditën e djeshme në Stamboll, ku 6 persona humbën jetën, ndërsa 81 të tjerë mbetën të plagosur.

Gena thotë se vendin ku ndodhi ngjarja e ka vetëm 1 kilometër larg nga ku po ai po qëndron dhe se kishte planifikuar që të bënte pazare atje bashkë me bashkëshorten pikërisht në orën kur ndodhi sulmi, por planet e tyre ndryshuan papritur.

“E kam një kilometër larg nga këtu dhe një ditë më përpara neve në mbrëmje kishim dalë me nusen për të bërë shoping. Dhe do dilnim përsëri edhe dje, në të njëjtën orë, domethënë nga ora 4 kur ka ndodhur ajo. Shyqyr Zoti na ka adresuar diku tjetër”, tha si për emisionin “Aldo morning show”.

LEXO EDHE:
Presidenti turk Erdogan do të vizitojë Irakun javën e ardhshme

Një sulmi terrorist ndodhi dje në Stamboll, ku 6 persona humbën jetën, ndërsa 81 të tjerë mbetën të plagosur nga të cilët 2 janë në gjendje kritike. Ministri i Brendshëm i Turqisë Suleyman Soylu tha se një grua e dyshuar se kishte lënë bombën ishte arrestuar nga policia dhe hodhi dyshimet se përgjegjëse është Partia e Punëtorëve të Kurdistanit (PKK) që konsiderohet si organizatë terroriste në shtetin turk.

S.C/Shqiptarja.com

TAG:
• gena lito
• stamboll
• turqi
• Sulm terrorist