Themeluesi i Facebook Zuckerberg akuzohet se ka censuruar foton e vajzës së djegur në Vietnam gjatë ndërhyrjes amerikane.  Sipas të përditshmes norvegjeze Aftenpost Zuckerberg  ka censuruar foton duke e  fshirë nga facebook. Një vendim i tillë ka shkaktuar reagime të shumta ku madje  kryeministrja norvegjeze  vendosi të protestojë duke publikuar në rrjetin social  foton  e censuruar.

Sipas gazetës Zuckerberg ka shfrytëzuar pushtetin e  tij ku madje  facebook  ka fshirë edhe një post të një shkrimtari norvegjez që denonconte gjendjen e mjeruar të fëmijëve vietnamez.

Gjatë fjalimit të tij të fundit në Romë, Zuckerberg u shpreh se Facebook  është një shoqëri e teknologjisë së lartë dhe  nuk është një agjensi informacionesh.   Aftenposten është pjesë e një grupi editorial i cili programon të krijojë një rrjet të ri social  i cili synon të sfidojë Facebook, Apple dhe Google.

Redaksia online
(e.m/Shqiptarja.com)