Zvicerani trembet dhe i hap luftë
Shqipërisë: Duhet të jemi agresivë

Zviceranët i frikësohen Shqipërisë. Mbrojtësi Johan Djourou në prag të ndeshjes me Shqipërinë parashikon që kuqezinjtë do të jenë mjaft agresivë.
 
“Zvicra është një skuadër më e mirë se Shqipëria, por ky është një turne ndërkombëtar dhe të gjithë ekipet janë të fortë.
 
Duhet të jemi gati për të luftuar sepse shqiptarët do të jenë agresivë. Duhet të gjejmë mënyrën për t’i mundur, por me shumë kujdes.
 
Emocionet do të jenë të mëdha, por ne duhet të ruajmë qetësinë dhe të zhvillojmë lojën tonë.
 
Duhet të sulmojmë së bashku dhe të mbrohemi së bashku, pasi vetëm kështu mund të bëjmë një paraqitje të mirë dhe të shkojmë shumë larg”ka theksuar ai. 



Redaksia Shqiptarja.com