Stivian Janku është afrimi më i ri i Egnatias. Mbrojtësi 25-vjeçar pas katër vitesh u largua nga Bylis, duke gjetur strehë në Rrogozhinë. Tanimë shtatëlarti me një përvojë të gjatë në Superligë do jetë ndihmë për ekipin e Edlir Tetovës në aventurën e Conference League.

"Stivian Janku është afrimi i parë i klubit për sezonin e ri. Futbollisti ka firmosur kontratën me klubin gjatë ditës së sotme dhe do t'i bashkohet skuadrës në përgatitjet për ndeshjet e Conference League", njofton Egnatia.

I lindur në Janinë, Janku ka luajtur për Delvinën, Partizanin, Luftëtarin dhe Bylisin, teksa këtë sezon në Superligë luajti 20 ndeshje. Janku ka zhvilluar edhe dy paraqitje me Kombëtaren kuqezi A.