Alen Sherri ka gjetur akordin dhe për tre sezonet e radhës do jetë portieri i Cagliarit në Itali. Klubi i Serie A do paguajë 350 mijë euro në arkat e Egnatias, me klubin rrogozhinas që ka mbajtur edhe 40 përqind të pronësisë së gardianit dhe në rast të një tjetër shitje do marrë pjesën e duhur.
Për të zyrtarizuar largimin ka menduar edhe portieri Sherri, i cili në kanalet e komunikimit i ka falenderuar të gjithë, duke shpërndarë edhe foto me trofetë e fituar.
"Nuk di nga të filloj të flas për dy vitet e kaluara. Dy vite plot miqësi, vëllazëri, fitore, besim, mbështetje, humbje, trishtime, të gjitha së bashku. Sot fillon një eksperiencë e re për mua dhe doja që fillimisht ta nisja duke falenderuar pa përjashtim të gjithë ata të cilët besuan te unë dhe më mbështetën gjatë gjithë këtij rrugëtimi në klubin Egnatia", shkruan Sherri.
Më pas portieri 26-vjeçar nuk lë pa përmendur edhe kalimin te Egnatia, që para dy sezonesh nuk mendohej se do fitonte titullin në Superligë.
"Jam shumë i lumtur për faktin që të gjithë se bashku arritëm gjëra të mëdha dhe të shkruanim histori edhe pse të paragjykuar si një qytet i vogël. Faleminderit K.F. Egnatia", shkruan mes të tjerash portieri shkodran.
Kujtojmë se Sherri është pjesë e kombëtares shqiptare dhe ky transferim në Serie A do i japë pikë shtesë për një vend mes kuadratit kuqezi.
Sherri do të rivalizojë me Scuffet dhe Radunoviç për një vend titullari tek ekipi i Cagliarit, që ka besuar tek cilësitë e portierit kuqezi, i cili tani do të lërë gjurmë dhe përtej Adriatikut. Sherri largohet pas 195 ndeshjesh në kampionatin shqiptar, ndërsa ka luajtur dhe 26 takime në Kupën e Shqipërisë dhe 13 takime ndërkombëtare me Laçin dhe Egnatian. Pasi luajti me Kombëtaren U21, portieri shkodran bëri debutimin e tij në portë për kombëtaren e madhe në 9 nëntor 2022.
Postimi i Sherrit
Lajme të tjera
-
Armando Broja hipën në avion me Chelsean, prova kundër Real Madrid dhe Cityt
23 Korrik, 17:37 -
Igli Tare kërkon rikthimin në punë: Kjo është blerja më e 'goditur' deri tani në Serie A
23 Korrik, 16:27 -
UEFA dënon Egnatian dhe Vllazninë
22 Korrik, 22:04 -
VIDEO/ Mirlind Daku shënon gol në javën e parë të kampionatit rus
22 Korrik, 19:20 -
VIDEO/ Firmosi në Turqi, Rey Manaj pritet si 'mbret' nga tifozët
22 Korrik, 16:00 -
Conference League/ Hidhet shorti për turin e tretë, Egnatia e Partizani njohin rivalët e mundshëm
22 Korrik, 15:38 -
Besiktas i 'tregon derën' Ernest Muçit: Kemi gjetur zëvendësuesin
20 Korrik, 15:02 -
E konfirmojnë në Itali, klubi i Serie A blen Alen Sherrin! 500 mijë euro për Egnatian
20 Korrik, 11:00 -
Rubin Kazan surprizon Mirlind Dakun
20 Korrik, 10:15 -
E kryer/ Keidi Bare mbetet në Spanjë, gati firma me klubin e ri
20 Korrik, 09:14 -
Zyrtare/ Armando Sadiku ndryshon skuadrën e 15-të në karrierë
20 Korrik, 08:38 -
Miqësore luksi/ Pas u përball me Interin një vit më parë, Egnatia do të sfidojë Napoli më 28 korrik
19 Korrik, 17:25
