POP 5

Lajmet më të lexuara të 5 minutave të fundit

Sport

Zyrtare/ Bologna i përmbysi në Champions, Dortmund shkarkon trajnerin Nuri Sahin

Dortmundi ka zyrtarizuar këtë të mërkurë shkarkimin e trajnerit Nuri Sahin.

Zyrtare/ Bologna i përmbysi në Champions, Dortmund shkarkon trajnerin Nuri Sahin

Nuri Sahin

Dortmundi ka zyrtarizuar këtë të mërkurë shkarkimin e trajnerit Nuri Sahin. Një situatë e tillë erdhi pasi verdhezinjtë u mposhtën 2-1 me përmbysje nga Bologna në Itali, për raundin e shtatë të grupit në Champions League.

“Borussia Dortmund dhe Nuri Sahin tani po shkojnë në rrugë të ndara. BVB ka liruar trajnerin e saj pas humbjes zhgënjyese 2-1 në UEFA Champions League të martën në mbrëmje ndaj FC Bologna’’, thuhet në reagim.

Lars Ricken, Drejtori sportiv i BVB, thekson: “Ne e vlerësojmë shumë Nuri Sahin dhe punën e tij, donim një bashkëpunim të gjatë dhe shpresuam deri në fund që së bashku të arrijmë një pikë kthese. Pas katër humbjeve radhazi dhe vetëm një fitoreje nga nëntë ndeshjet e fundit, duke qenë se aktualisht jemi të dhjetët në tabelën e Bundesligës, fatkeqësisht kemi humbur besimin për të arritur objektivat tona sportive me trajnerin aktual. Ky vendim më lëndon edhe mua personalisht, por nuk ishte më i shmangshëm pas ndeshjes në Itali’’, tha ai.

Borussia Dortmund do të informojë se kush do të jetë në stolin e trajnerëve të shtunën e ardhshme në Bundesligë kundër Uerder Bremen, me situatën në kampionat që nuk është në ditët më të mira pasi ndodhen në vendin e dhjetë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi