ZYRTARE/ E konfirmon Leo Messi: Nuk doja të përjetoja atë situatë te Barcelona, kam zgjedhur Inter Miamin

ZYRTARE/ E konfirmon Leo Messi: Nuk doja të përjetoja atë situatë te Barcelona, kam zgjedhur Inter Miamin

Leo Messi

Lionel Messi ka vendosur të vijojë karrierën te Inter Miami në MLS-në e SHBA-së. Futbollisti më i mirë në botë me shtatë trofe të "Topit të Artë" ka treguar për "Mundo Deportivo" edhe arsyen se përse nuk u kthye te Barcelona, paçka se ishte kjo dëshira. Pas largimit nga PSG, Messi refuzoi milionat arabe në Al-Hilal, duke vendosur për të kaluar në Miami.

“Rikthim te Barça? Doja shumë, isha shumë i emocionuar që mund të kthehesha, por pasi përjetova atë që përjetova dhe daljen që pata, nuk doja të isha përsëri në të njëjtën situatë: të prisja të shihja se çfarë do të ndodhte dhe të largohesha, e ardhmja ime në dorë nga një tjetër”, tha Leo fillimisht.

Më pas Leo tregoi se ishte vendimi më i drejtë që mos ndikonte për keq te lojtarët e Barçës me një kthim të tij, ndërsa kërkonte një tërheqje larg vëmendjes për t'u përqëndruar te familja.

"Kam dëgjuar se duhet të shesin lojtarë ose të ulin pagat e lojtarëve dhe e vërteta është se nuk doja ta kaloja këtë, as të merrja përgjegjësinë për të marrë diçka që kishte të bënte me të gjitha këto. Kam marrë vendimin që do të shkoj në Miami. Ende nuk e kam mbyllur totalisht. Më mungojnë disa gjëra, por vendosëm të vazhdojmë rrugën. Doja të largohesha nga Evropa, të dilja nga qendra e vëmendjes dhe të mendoja më shumë në familjen time”, tregon Leo Messi mes të tjerash.

 

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri