Fernando Alonso do të vazhdojë të garojë në Formula 1 me Aston Martin sezonin e ardhshëm pasi ekipi njoftoi se dy herë kampioni i botës ka nënshkruar një marrëveshje të re deri në vitin 2026.

Pas njoftimit të kalimit të Lewis Hamilton në Ferrari për vitin 2025, pati gjithashtu shumë spekulime mbi të ardhmen e Alonsos, fillimisht nëse ai do të angazhohej apo jo në një tjetër sezon në F1 dhe nëse po, a do të ishte me Aston Martin.

Aston Martin është i pesti në renditjen e konstruktorëve pas katër raundeve hapëse të vitit 2024, pas Mercedes, McLaren, Ferrari dhe liderit Red Bull.