Zyrtare/ Kallaku largohet nga Teuta dhe firmos për 4 vite me Lokomotivën e Zagrebit

Tashmë është edhe zyrtare. Nga Teuta është larguar Sherif Kallaku futbollisti më i mirë i këtij sezoni tek durrsakët. Nëpërmjet një njoftimi klubi  ka sqaruar se 22-vjeçari do të kalojë në Kroaci tek Lokomotiva e Zagrebit ekip me të cilin ka nënshkruar një kontratë 4-vjeçare. Kallaku largohet si fitues pasi vetëm tre ditë më parë ngriti Kupën e Shqipërisë.

Njoftimi i Teutës për largimin e Sherif Kallakut:

KF Teuta njofton sot arritjen e marrëveshjes të transferimit të Sherif Kallaku në ekipin e Lokomotiva Zagreb në Kroaci. Sherif Kallaku pritet ti bashkohet ekipit të Lokomtivës ditën e premte. Fantazisti i Teutës, pasi të kryejë vizitat mjekësore do të bashkohet me klubin e Lokomotiva Zagreb ,me të cilin ka nënshkruar një kontratë 4-vjeçare. 22-vjeçari i cili u shpall fitues i kupës i Shqipërisë me Teutën, Kallaku i thotë lamtumirë Teuta për të vijuar tashmë aventurën e tij të re në Kroaci. Pas 2 vitesh me blutë, skuadër me të cilën dhuroj performanca shumë pozitive, duke qenë njëkohësisht edhe pjesë e ekipit tonë përfaqësues, Kallaku tashmë do të provoj edhe eksperiencën e tij të parë jashtë vendit në radhët e Lokomotiva Zagreb. FALEMINDERIT SHERIF KALLAKU!/ Përgatiti Andi Kapxhiu

TAG:
• Teuta
• Kroaci
• Lokomotiva
• sherif kallaku