Rraman Hallaçi nuk është më trajneri i Kukësit. Klubi verilindor ka njoftuar se pas dy humbjeve në nisjen e sezonit të ri, trajneri dhe Kukësi kanë ndarë rrugët. Disfatat 3-1 kundër Vllaznisë në javën e parë të sezonit dhe humbja e djeshme 0-4 në shtëpi me Egnatian kanë bërë që Kukësi të jetë në kërkim të një trajneri të ri.

"Klubi i Kukësit njofton ndërprerjen e bashkpunimit me trajnerin Rraman Hallaçin! Shkak bëhen rezultatet e dobëta dy ndeshjet e para të kampionatit duke bërë që ekipi të pozicionohet në vendin e fundit! Klubi i uron suksese në karrierën e tij edhe e falenderon për kontributin e dhënë", njofton Kukësi.

Ky sezon për verilindorët duket se do jetë me probleme, kjo pas telasheve dhe arrestimit të presidentit Safet Gjici nga drejtësia. Zero pikë në dy javë Superligë dhe një lojë që lë për të dëshiruar, e kanë kthyer Kukësin në një ekip që lufton për mbijetesën.

Në vetëm dy javët e para të sezonit të ri, Superliga ka parë dy shkarkime trajnerësh. Pasi Laçi largoi Stavri Nicën pas javës së parë, tanimë Kukësi shkarkon Hallaçin.

Ish-kapiteni i drejtoi Blutë në 35 ndeshje. Ai u ul në stolin e verilindorëve si fillim në 28 dhjetor 2020 si trajner kujdestar, duke qenë në krye për pesë ndeshje. Ishte 22 dhjetori i 2022 kur atij iu besuan frenat e ekipit, duke e drejtuar sezonin që lamë pas në 28 ndeshje dhe në dy takimet e këtij sezoni të ri.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera