POP 5

Lajmet më të lexuara të 5 minutave të fundit

Sport

Zyrtare/ Shqipëria i la në vendin e dytë, Çekia zgjedh trajnerin e ri për në Euro 2024

Ivan Hasek u emërua këtë të enjte si trajneri i ri i Republikës Çeke në futboll, kryesisht të jetë i gatshëm për Kampionatin Evropian 2024.

Zyrtare/ Shqipëria i la në vendin e dytë, Çekia zgjedh trajnerin e ri për në Euro 2024

Ivan Hasek

PRAGË - Ivan Hasek u emërua këtë të enjte si trajneri i ri i Republikës Çeke në futboll, kryesisht të jetë i gatshëm për Kampionatin Evropian 2024. Hasek firmosi një kontratë që skadon në nëntor të 2025 me një opsion për të zgjatur marrëveshjen për Kupën e Botës 2026 nëse skuadra kualifikohet, tha Petr Fousek, kreu i Federatës Çeke të Futbollit.

“Është një nder i madh për mua”, tha Hasek. Ai rikthehet si trajner pasi mori drejtimin për pesë ndeshje në 2009-10. Hasek, 60 vjeç, zëvendëson Jaroslav Silhavy, i cili dha dorëheqjen më 20 nëntor pas ndeshjes së fundit në kualifikimet e Euro 2024, një fitore 3-0 ndaj Moldavisë.

Rezultati siguroi një kualifikim të tetë radhazi në Europian për çekët. Silhavy mori detyrën e trajnerit në vitin 2018, por u kritikua për paraqitjet e dobëta të ekipit në kualifikuese. Çekët kompletuan Grupin E në vendin e dytë pas Shqipërisë. Nën drejtimin e Silhavy, çekët arritën në çerekfinale të Kampionatit Evropian 2020.

Hasek, trajneri i ri ka qenë një mesfushor që ka luajtur 56 herë për çekët nga 1984–94. Ai ka qenë trajner në Francë, Japoni dhe Lindjen e Mesme. Puna e tij e fundit ishte menaxhimi i Libanit deri në vitin 2022.

“Ai ishte trajner jashtë vendit për një kohë të gjatë, që është një bonus,” tha Fousek. Çekët hapin Euro 2024 në Gjermani më 18 qershor kundër Portugalisë në Leipzig përpara se të përballen me Turqinë dhe një ekip nga playoff-i, i cili do të njihet në mars, në Grupin F.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

E rëndë në Kosovë/ Efektivi i policisë vritet me armë teksa po hynte në banesë! Autori në kërkim

E rëndë në Kosovë/ Efektivi i policisë vritet me armë teksa po hynte në banesë! Autori në kërkim

2 Prill, 07:26