UEFA ka përzgjedhur gjyqtarët që do arbitrojnë sifidën në “Elbasan Arena” mes Skënderbeut dhe skuadrës zviceriane të Yong Boys.

Kjo ndeshje është e vlefshme për raundin e dytë të  grupeve të Europa League.
 
Gjyqtari  kryesor i takimit do jetë holandezi Kevin Blom , ndërsa asistentët e tij në këtë sfidë do jenë Charles Schaap, Joost van Zuilen dhe Jeroen Manschot.
Gjyqtari  Blom ka gjykuar ndeshje të rëndësishme në kompeticionet ndërkombëtare dhe bën pjesë në grupin e më të mirëve të FIFA-s.
Ky arbitër është i njohur për shqiptarët pasi në ndeshjen mes Shqipërisë dhe Norvegjisë , e vlefshme për eliminatoret e botërorit 2014  ishte gjyqtari kryesor i takimit.
 
Belgu Kevin Blom, në ndeshjet eliminatore të botërorit “Rusi 2018” ishte i përzgjedhuri kryesor për të gjykuar përballjen mes Ukrainës dhe Kosovës.
 
Ndeshja Ukrainë-Kosovë është mbyllur me rezultatin e  e thellë 3:0, ndërsa ndeshja u gjykua në mënyrë profesionale nga holandezi Blom.
Profili i tij në angazhimet sportive është shumë i larmishëm.

Gjyqtari Blom aktualisht është i punësuar me kohë të plotë në Federatën Holandeze të Futbollit.

Ndeshja do të luhet në datën 28 shtator në orën 21:05.

Të gjithë sportdashësit presin që në sfidën e Skëndërbeut në "Elbasan Arena" ndaj Yong Boys, gjyqtari holandez të tregojë cilësitë e një arbitri me vlera ndërkombëtare.
 
Redaksia Online
N.M/Shqiptarja.com