Ndihmës Sekretari Amerikan për Çështjet Evropiane dhe Euroaziatike, Philip Reeker ka zhvilluar sot një vizitë zyrtare në Tiranë ku u takua me kryeministrin Edi Ramën dhe kreun e PD-së, Lulzim Basha.
Ambasada Amerikane në Tiranë ka zbardhur përmbajtjen e takimeve të Reeker, me kryeministrin Rama dhe kreun e PD-së. Në fokus të takimeve ka qenë edhe vendimi i DASH për përfshirjen në listën e zezë të Sali Berishës dhe familjes së tij për korrupsion, përdorimin e pushtetit për t’u pasurua, pengimin e drejtësisë dhe minimin e demokracisë në Shqipëri.
"Ai nënvizoi vendosmërinë e Presidentit Biden dhe Sekretarit të Shtetit Blinken se lufta kundër korrupsionit, përfshirë përmes përcaktimeve publike për korrupsion madhor sipas Nenit 7031(c) të Departamentit të Shtetit për Operacionet e Jashtme, dhe Programet Përkatëse të Nenit mbi Përvetësimet 2021, është një interes thelbësor i sigurisë kombëtare për Shtetet e Bashkuara", thuhet në postimin e ambasadës.
Në njoftimin e ambasadës, theksohet se përgjatë takimeve, Ndihmës Sekretari në Detyrë Reeker theksoi rëndësinë e marrëdhënieve SHBA-Shqipëri gjatë 30 viteve të fundit, që kur Shqipëria refuzoi diktaturën komuniste dhe pranoi demokracinë. Reeker mikpriti rolin e Shqipërisë në rajon dhe në arenën globale, ndërsa Shqipëria merr vendin në Këshillin e Sigurimit të OKB-së.
Takimi me Ramën u zhvillua në kryeministri dhe zgjati më shumë se një orë, ku fokusi i bisedimeve ka qenë marrëdhënia e ndërsjellë SHBA-Shqipëri dhe bashkëpunimi i mëtejshëm i dy vendeve. Po ashtu, Rama dhe Reeker kanë folur edhe në lidhje me stërvitjen e përbashkët Defender21.
Pas takimit me Ramën, Reeker ka shkuar në selinë blu, i shoqëruar nga ambasadorja e SHBA, Yuri Kim, ku ka zhvilluar një takim me kreun e Partisë Demokratike, Lulzim Bashën.
Zyrtarët e lartë të SHBA që zhvillojnë vizitë zyrtarë në Tiranë, thuajse gjithmonë takohen me kreun e shtetit, por duket se në vizitën e Reeker nuk është programuar asnjë vizitë me presidentin Ilir Meta. Kujtojmë se përplasjet mes Metës dhe ambasadores së SHBA-së, Yuri Kim kanë qenë në forta gjatë muajve të fundit.
Ndërkohë pas Shqipërisë, Reeker do të udhëtojë edhe në shtetin fqinj të Maqedonisë së Veriut, ku do të jetë i pranishëm në konferencën e përbashkët që do të mbahet në Ohër, për integrimin e mëtejshëm të bashkëpunimit rajonal të shteteve të Ballkanit.
Ambasada e SHBA në Shqipëri ka zbardhur takimet e ndihmës Sekretari Amerikan për Çështjet Evropiane dhe Euroaziatike, Philip Reeker në Tiranë me kryeministrin Edi Rama dhe kryetarin e opozitës Lulzim Basha.
Në njoftimin e ambasadës theksohet se përgjatë takimeve, Ndihmës Sekretari në Detyrë Reeker theksoi rëndësinë e marrëdhënieve SHBA-Shqipëri gjatë 30 viteve të fundit, që kur Shqipëria refuzoi diktaturën komuniste dhe pranoi demokracinë.
Ndërkaq Reeker ka përmendur edhe shpalljen "Non Grata" të ish kryeministrit Sali Berisha nga SHBA.
"Ai nënvizoi vendosmërinë e Presidentit Biden dhe Sekretarit të Shtetit Blinken se lufta kundër korrupsionit, përfshirë përmes përcaktimeve publike për korrupsion madhor sipas Nenit 7031(c) të Departamentit të Shtetit për Operacionet e Jashtme, dhe Programet Përkatëse të Nenit mbi Përvetësimet 2021, është një interes thelbësor i sigurisë kombëtare për Shtetet e Bashkuara", thuhet në postimin e ambasadës.
Reeker mikpriti rolin e Shqipërisë në rajon dhe në arenën globale, ndërsa Shqipëria merr vendin në Këshillin e Sigurimit të OKB-së.
"Ndihmës Sekretari në Detyrë përsëriti mbështetjen e fortë të Shteteve të Bashkuara për reformat në sistemin e drejtësisë dhe në luftën kundër krimit të organizuar, duke nënvizuar se si përparimi në këto çështje do të nxisë demokracinë, mbrojtjen dhe biznesin në Shqipëri dhe do të vijojë rrugën e Shqipërisë drejt pranimit në Bashkimin Europian".
Postimi i ambasadës:
Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker vizitoi sot Tiranën. Gjatë vizitës, ai u takua me Kryeministrin Rama, Kryetarin e Partisë Demokratike Lulzim Basha, disa prej anëtarëve të verifikuar plotësisht të sistemit të drejtësisë në Shqipëri, si dhe udhëheqës të tjerë. Përgjatë të gjitha takimeve, Ndihmës Sekretari në Detyrë Reeker theksoi rëndësinë e marrëdhënieve SHBA-Shqipëri gjatë 30 viteve të fundit, që kur Shqipëria refuzoi diktaturën komuniste dhe pranoi demokracinë. Ai nënvizoi vendosmërinë e Presidentit Biden dhe Sekretarit të Shtetit Blinken se lufta kundër korrupsionit, përfshirë përmes përcaktimeve publike për korrupsion madhor sipas Nenit 7031(c) të Departamentit të Shtetit për Operacionet e Jashtme, dhe Programet Përkatëse të Nenit mbi Përvetësimet 2021, është një interes thelbësor i sigurisë kombëtare për Shtetet e Bashkuara. Ai përgëzoi udhëheqësit e Shqipërisë për suksesin e tyre në mikpritjen e Stërvitjes Defender Europe 21, e cila theksoi rolin strategjik të Shqipërisë në rajon. Ai mirëpriti rolin e Shqipërisë në rajon dhe në arenën globale, ndërsa Shqipëria merr vendin në Këshillin e Sigurimit të OKB-së. Ndihmës Sekretari në Detyrë përsëriti mbështetjen e fortë të Shteteve të Bashkuara për reformat në sistemin e drejtësisë dhe në luftën kundër krimit të organizuar, duke nënvizuar se si përparimi në këto çështje do të nxisë demokracinë, mbrojtjen dhe biznesin në Shqipëri dhe do të vijojë rrugën e Shqipërisë drejt pranimit në Bashkimin Europian.
Ka përfunduar takimi i zyrtarit të lartë të DASH, Philip Reeker me kreun e PD, Lulzim Bashën. Takimi i zyrtarit të lartë të DASH, Philip Reeker, i cili ishte shoqëruar nga ambasadorja amerikanë Yuri Kim, me Bashën zgjati rreth 1 orë e 10 min.
Ndërkohë që ende nuk janë zbardhur detaje në lidhje me diskutimin që është zhvilluar ndërmjet tyre.
Komente
Lajme të tjera
-
Rusia dënon me mbi 4 vjet burg ish punonjësin e konsullatës amerikane
2 Nëntor, 20:55 -
Zgjedhjet në SHBA/ Harris e Trump fushatë vendimtare në Karolinën e Veriut, 70 milionë amerikanë kanë votuar tashmë! Zyrtarët USA: Kërcënime nga Rusia, Irani dhe Kina
2 Nëntor, 20:36 -
New York Times nuk ngurron të sulmojë opozitën: Votoni kundër Trump, ai është një rrezik për demokracinë! Paralelizmi me Shqipërinë
2 Nëntor, 20:15 -
Donald J. Trump: Një rrugëtim i pazakontë drejt presidencës
2 Nëntor, 19:04 -
Biografia e Kamala Harris: Nga bijë emigrantësh, tek një emërim historik për presidente
2 Nëntor, 18:56 -
Udhëheqësi suprem i Iranit kërcënon Izraelin dhe SHBA
2 Nëntor, 16:50 -
Drejtori i Policisë, Proda takohet me të Ngarkuarin me Punë të Ambasadës së Kuvajtit! Diskutohet edhe mundësia e shkëmbimit të metodave policore
2 Nëntor, 15:43 -
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Nesër turi me diasporën në Selanik, Rama: Për pak vite, krah Greqisë në BE
2 Nëntor, 15:31
-
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Tiranë/ Qëlloi 8 herë me thikë të riun, arrestohet 41-vjeçari i shpallur në kërkim për vrasje të mbetur në tentativë
2 Nëntor, 15:18 -
'Amerika Vendos!' Report Tv e Shqiptarja.com transmetim maratonë mbrëmjen e 5 Nëntorit, nisim në 21:00
2 Nëntor, 15:15
Lufta sapo ka filluar thote Basha. Por fillojme ne Shtator se tani eshte vape.
Përgjigju