Aksidentet me bilanc tragjik viktimash rriten por shoferët nuk zënë mend. Një 22-vjeçar nga Durrësi, duke drejtuar mjetin fuoristradë me 150 km/h në Bypass-in e Fierit është konstatuar nga Policia Rrugore e Fierit, me radar, me shpejtësi 150 km/h dhe nuk i është bindur urdhrit për të ndaluar. Ai ka vijuar me shpejtësi në drejtim të Vlorës, ku është konstatuar me 159 km/h në autostradën Levan-Vlorë, ku dhe është ndaluar nga policia. Si pasojë është ndëshkuar me gjobë 29.000 lekë të rinj, me 10 muaj pezullim të lejes së drejtimit dhe zbritje prej 6 pikësh nga leja e drejtimit.
