Një 61-vjeçar nga Burreli, Luan Hima, ra sot nga kati i dytë i QSUT, pasi kishte shkuar me nënën e tij, e cila kishte nevojë për shërbim mjekësor.
Në një intervistë për Report Tv, nëna e 61 vjeçarit, tregoi se e panë kur ra nga dritarja e spitalit.
"Ai shkoi për të marr një letër për të firmosur, se e kam pas në orën 12 me vënë një koronare dhe kur e kam parë djalin që ra poshtë, s'di gjë tjetër më. Isha aty dhe e pash ra si parashutë dhe kemi shkuar i kemi dhënë ndihmën e shpejtë me gjithë vajzën time. Mjekët thonë se është mirë, po s'kemi shkuar që ta shohim ende, e kanë futur në operim. Po rridhte shumë gjak dhe ka marr plagë në kokë, po edhe ndonjë thyerje krahu. Nuk e di si nuk më la zemra, sepse erdhi për mua dhe po heq keq për veten e vet. Nuk e pamë se çfarë ishte duke bërë dhe se di pse ka rënë, dhe vetëm kur e pamë po i thërrisja, Luan", tha ajo.
Nëna e tij tha se i biri nuk kishte probleme shëndetësore dhe nuk vuante nga tensioni.
"Jo ishte mirë, kishte ardhur për mua, por se si ishte puna nuk di gjë unë", tha ajo..
