Një aksident i rëndë ka ndodhur mbrëmjen e sotme në aksin rrugor Elbasan-Tiranë, në tunelin "Panoramik" ku një efektiv i Policisë Rrugore ,i identifikuar si Ferdinand Bahja, 53-vjeç, pasi kishte shkuar në vendngjarjen e aksidentit është përplasur nga një makinë dhe për pasojë ai ka mbetur i plagosur rëndë. Për këtë ngjarje është arrestuar një 51-vjeçare me iniciale S.V, e cila po drejtonte mjetin tip "Lancia”, që përplasi efektivin e rrugores, i cili ishte në krye të detyrës.